ჰაინც ფიშერი: ნუ გექნებათ მოლოდინი, რომ ვიზა–ლიბერალიზაციაზე წინმსწრებად გადაწყვეტილება განვაცხადო

2015-05-18 20:14:55, 419 ნახვა

პოლიტიკა

„ძალიან გთხოვთ, ნუ გექნებათ მოლოდინი, რომ ვიზა–ლიბერალიზაციაზე წინმსწრებად გადაწყვეტილება განვაცხადო, რომელიც რეალურად მიღებული არ არის“, – ამის შესახებ ავსტრიის პრეზიდენტმა ჰაინც ფიშერიმ საქართველოს პრეზიდენტთან გიორგი მარგველაშვილთან ერთად გამართულ ერთობლივ ბრიფინგზე განაცხადა.

მისივე შეფასებით, ცალკეული საკითხების გადახედვის შემდეგ დასახელდება კონკრეტული ვადა, როდიდან ამოქმედდება საქართველოს ევროკავშირთან უვიზო რეჟიმი.

„ბუნებრივია, ჩვენ, ევროკავშირის წევრმა სახელმწიფოებმა ვიცით, რომ გარკვეული მოსამზადებელი პერიოდი ჩატარდა. ცალკეული საკითხების გადახედვის, შემოწმების შემდეგ დაითმება კონკრეტული ვადა, როდიდან ამოქმედდება უვიზო რეჟიმი. მაგრამ ძალიან გთხოვთ, ნუ გექნებათ მოლოდინი, რომ დღეს აქ მდგომმა განვაცხადო წინმსწრებად გადაწყვეტილება, რომლეიც რეალურად მიღებული არ არის“, – აღნიშნა ჰაინც ფიშერიმ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან