|
2018-03-07 16:16:39, 1866 ნახვა
ეკონომიკა
არველაძე: „მაღალი დონის დიალოგი ინვესტიციებსა და ვაჭრობაზე“ ბოლო სამი წლის განმავლობაში პირველად გაიმართება
„ჩვენ შევთანხმდით, რომ „მაღალი დონის დიალოგი ინვესტიციებსა და ვაჭრობაზე“ შეხვედრის გამართვა მოხდება საქართველოს პირველი ვიცე-პრემიერისა და აშშ-ის სავაჭრო წარმომადგენლის დონეზე, რაც არის ძალიან მნიშვნელოვანი“, - განაცხადა ეკონომიკისა და მდგრადი განვითარების მინისტრის მოადგილემ გენადი არველაძემ საქართველო-შეერთებული შტატების სტრატეგიული პარტნიორობის ქარტიის კომისიის ეკონომიკის, ვაჭრობისა და ენერგეტიკის სამუშაო ჯგუფის (EWG) შეხვედრის შემდეგ გამართულ პრესკონფერენციაზე. ეკონომიკისა და მდგრადი განვითარების მინისტრის მოადგილის განცხადებით, „ბოლო სამი წლის განმავლობაში ეს იქნება პირველი შეხვედრა ამერიკის ახალ ადმინისტრაციასთან მსგავსი ფორმატის ფარგლებში, სადაც ჩვენ განვიხილავთ ვაჭრობასთან დაკავშირებულ ყველა მნიშვნელოვან საკითხს, მათ შორის, როგორ უნდა გავხადოთ უფრო ღრმა ის დიალოგი, რომელსაც ვაწარმოებთ ორმხრივ ფორმატში. ეს ფორმატი ასევე იძლევა საშუალებას, განვიხილოთ თავისუფალი ვაჭრობის შეთანხმებაზე მოლაპარაკების დაწყების შესაძლებლობა“. EWG-ის შეხვედრა დღეს საგარეო საქმეთა სამინისტროში გაიმართა. ქართული მხრიდან სამუშაო ჯგუფს თავმჯდომარეობას უწევენ ეკონომიკისა და მდგრადი განვითარების მინისტრის მოადგილე გენადი არველაძე და საქართველოს საგარეო საქმეთა მინისტრის პირველი მოადგილეს დავით ზალკალიანი. ამერიკული მხრიდან სამუშაო ჯგუფს თავმჯდომარეობას უწევენ სახელმწიფო მდივნის თანაშემწის პირველი მოადგილე ბრაიან მაკფიტერი, საერთაშორისო განვითარების სააგენტოს (USAID) ადმინისტრატორის თანაშემწე ბროკ ბირმანი და ათასწლეულის გამოწვევის კორპორაციის მმართველი დირექტორი კატერინა ნტეპი. (NS)
სინოდის სხდომას წილკნელი მიტროპოლიტი ზოსიმე არ ესწრება, ხმას 38 მღვდელმთავარი აძლევს
გლდანის რაიონში გაზმომარაგება ავარიულად 20 000 აბონენტს შეუწყდება
წინანდლის მამულში ვარდობისთვე გაიმართება - პროექტის გენერალური სპონსორი და მხარდამჭერია SOLO
სომხეთის პრემიერის სპიკერი უარყოფს ცნობებს საქართველოსთვის სოფლის გადაცემაზე შეთანხმების შესახებ
|
რედაქტორის რჩევით
რეპრესიების არქიტექტურა – სამოქალაქო საზოგადოების გამოწვევები ავტორიტარული ტენდენციების პირობებში
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
ომი უკრაინაში
რუსეთმა ოდესაზე იერიში მიიტანა: 10 ადამიანი დაშავდა, მათ შორის 2 ბავშვი
რუსეთის არმიაში საკვების დეფიციტის ფონზე კანიბალიზმის შემთხვევები დაფიქსირდა - The Sunday Times
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|





epn.ge (@expressnews.ge)