ირაკლი ჩხვირკია და მერაბ ღოღობერიძე გაათავისუფლეს

2018-03-06 15:48:12, 2330 ნახვა

სამართალი

ბათუმის მოველენებთან დაკავშირებით მსჯავრდებული ირაკლი ჩხვირკია და მერაბ ღოღობერიძე გაათავისუფლეს.

გადაწყვეტილება მსჯავრდებულის პირობით ვადაზე ადრე გათავისუფლების კომისიამ მიიღო.

შეგახსენებთ, 2017 წლის 23 აპრილს ირაკლი ჩხირკვია და მერაბ ღოღობერიძე სისხლის სამართლის კოდექსის 225-ე მუხლის პირველი ნაწილით (ჯგუფური ძალადობის ორგანიზება, ხელმძღვანელობა ან მასში მონაწილეობა) გათვალისწინებული დანაშაულის ბრალდებით დააკავეს.

თუმცა, ბათუმის საქალაქო სასამართლომ ბრალდებულების მიერ ჩადენილი ქმედება დააკვალიფიცირა სისხლის სამართლის კოდექსის 226-ე მუხლით (ჯგუფური მოქმედების ორგანიზება, რომელიც უხეშად არღვევს საზოგადოებრივ წესრიგს ან დაკავშირებულია ხელისუფლების წარმომადგენლების კანონიერი მოთხოვნებისადმი აშკარა დაუმორჩილებლობასთან ან რომელმაც ტრანსპორტის, საწარმოს, დაწესებულების ან ორგანიზაციის მუშაობის შეფერხება გამოიწვია) და სასჯელის სახედ და ზომად 1 წლით და 6 თვით თავისუფლების აღკვეთა მიუსაჯა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები