რუსეთი ოკუპირებული აფხაზეთის მოსახლეობის მისწრაფებას, ე.წ. ეროვნული პასპორტებით მსოფლიოს მასშტაბით იმოგზაურონ, მხარს უჭერს, - ამის შესახებ ინფორმაციას რეგიონის დე-ფაქტო საგარეო საქმეთა სამინისტრო ავრცელებს.

შესაბამისი საკითხი სოხუმში ოკუპირებული აფხაზეთის ე.წ. საგარეო საქმეთა მინისტრმა და ჟენევის დისკუსიების რუსული დელეგაციის თავმჯდომარის მოადგილემ განიხილეს.

დე-ფაქტო საგარეო უწყების განცხადებაში აღნიშნულია, რომ რუსეთი მზად არის ოკუპირებულ აფხაზეთს საერთაშორისო ტრიბუნები დაუთმოს.

ამავე შეხვედრის მონაწილეებმა ოფიციალური თბილისი ინციდენტების პრევენციის მექანიზმის საქმიანობის პოლიტიზებაში დაადანაშაულეს.

"თბილისის დესტრუქციული ხაზი, ჟენევის ფორმატს ბლოკავს და არ იძლევა იმის შესაძლებლობას, რომ ეს მნიშვნელოვანი ფორმატი განვითარდეს. საქართველოს სწრაფვა ნატოსკენ, რეგიონში ახალი დაძაბულობის კერას ქმნის. იმედს გამოვთქვამთ, რომ დასავლელი პარტნიორები და თბილისის მფარველები, გააცნობიერებენ იმას, თუ რამდენად დამღუპველია ნატოში ინტეგრაციის კურსი და საქართველოს რევანშისტულ მისწრაფებებს ხელს არ შეუწყობენ", - ნათქვამია ე.წ. განცხადებაში.

ოკუპირებული რეგიონის დე-ფაქტო საგარეო საქმეთა მინისტრმა დაურ კოვემ დასძინა, რომ ინციდენტების პრევენციის მექანიზმის "მყიფე ბალანსი თბილისის ნებისმიერი სახის პროვოკაციის შემთხვევაში დაირღვევა".

ავტორი: ,

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს