საქართველოს ვიცე-პრემიერმა, საგარეო საქმეთა მინისტრმა მიხეილ ჯანელიძემ გაერო-ს გენერალურ მდივანთან ანტონიო გუტიერეშთან შეხვედრაზე საქართველოს ოკუპირებულ რეგიონებში არსებულივითარება განიხილა. 

საგარეო უწყების ხელმძღვანელმა განსაკუთრებული ყურადღება დაუთმო არჩილ ტატუნაშვილის გარდაცვალების ფაქტს და ხაზი გაუსვა მომხდარზე საერთაშორისო თანამეგობრობის, მათ შორის გაერო-სშესაბამისი რეაგირების მნიშვნელობას.

საქართველოს საგარეო უწყების ხელმძღვანელმა გაერო-ს გენერალურ მდივანს დეტალური ინფორმაცია მიაწოდა მომხდარზე და აღნიშნა, რომ გიგა ოთხოზორიას მკვლელობის შემდეგ ეს მორიგი ფაქტია,რომელიც კიდევ ერთხელ ადასტურებს საქართველოს ოკუპირებულ რეგიონებში ადამიანის უფლებების და უსაფრთხოების მხრივ არსებულ მძიმე ვითარებას და იქ საერთაშორისო უსაფრთხოებისმექანიზმების არსებობის აუცილებლობას. 

როგორც მიხეილ ჯანელიძესთან შეხვედრაზე გაერო-ს გენერალურმა მდივანმა ანტონიო გუტიერეშმა აღნიშნა, იგი კარგად იცნობს საქართველოს ოკუპირებულ რეგიონებში არსებულ პრობლემატიკას. მანხაზი გაუსვა საქართველოს მთავრობის მხრიდან კონფლიქტის დარეგულირების მშვიდობიანი მიდგომის მნიშვნელობას და გამოხატა შემდგომი მხარდაჭერა ამ პროცესისადმი, კერძოდ გაერო-ს გენერალურმამდივანმა ხაზი გაუსვა  ჟენევის მოლაპარაკებების გააქტიურებისა და ფორმატის გაძლიერების აუცილებლობას. ანტონიო გუტიერეშმა დაადასტურა, რომ გაერო მომავალშიც გააგრძელებს კონფლიქტისმოგვარების პროცესში აქტიურ ჩართულობას სპეციალური წარმომადგენლის მეშვეობით.

შეხვედრაზე საუბარი ასევე შეეხო საქართველოს მნიშვნელოვან პროგრესს დემოკრატიული განვითარების გზაზე, მინისტრმა გენერალურ მდივანს ასევე გააცნო ღია მმართველობის ინიციატივის ფარგლებშისაქართველოს ინიციატივები და პრიორიტეტული სფეროები. მიხეილ ჯანელიძემ გენერალური მდივანი საქართველოში მოიწვია.

ავტორი: ,

სოციალური ქსელები

საქართველო ტრადიციულად ევროვიზია 2026-ის ფინალში ვერ მოხვდა

ტრამპი- სი-ს სამიტი: ჩიპების ნაცვლად, ჩინეთი ხელოვნური ინტელექტის ომს განიხილავს

CNN: წელიწადნახევრის წინ ჩაძირული რუსული გემი შესაძლოა ჩრდილოეთ კორეისკენ მიემართებოდა, რომელსაც ბირთვული რეაქტორები გადაჰქონდა

რუბიო ჩინეთში სხვა სახელით გაფრინდა, რათა თავი აერიდებინა პეკინის დაწესებული სანქციებისთვის