2018-02-26 17:00:55, 1637 ნახვა

---

მარგველაშვილი არჩევნებზე: თუ ამის საჭიროება იქნება, კენჭს ვიყრი, თუ არა, მშვიდ ცხოვრებას ვარჩევდი

„თუ იქნება საჭიროება, მე ვიყრი კენჭს, თუ არ იქნება, ამ ძალიან მძიმე სამსახურს, მიუხედავად იმისა რომ პატივია, სხვა უფრო მშვიდ ცხოვრებას ვარჩევდი“, - ასე უპასუხა საქართველოს პრეზიდენტმა გიორგი მარგველაშვილმა „მარნეული TV“-ს ეთერში დასმულ შეკითხვას - მიიღებს თუ არა მონაწილეობას 2018 წლის საპრეზიდენტო არჩევნებში.

„თუ იქნება საჭიროება, მე ვიყრი კენჭს, თუ არ იქნება და ეს არ არის ქვეყნისთვის სავალდებულო ან აუცილებელი, ამ ძალიან მძიმე სამსახურს, მიუხედავად იმისა რომ პატივია, სხვა უფრო მშვიდ ცხოვრებას ვარჩევდი. მე ვერ ვხედავ, რა პოლიტიკური რეალობაა, ფერები არეულია. მმართველმა პარტიამ, რომელსაც პრემიერ-მინისტრიდან დაწყებული რაიონის გამგებლის მესამე მოადგილით დამთავრებული ყველა თანამდებობა უკავია, ერთი პრეზიდენტობის კანდიდატი რით ვერ დაასახელეს? იმიტომ რომ ძალიან არეულია პოლიტიკური ლანდშაფტი“, - განაცხადა პრეზიდენტმა.

---

ავტორი: ,

---

დღის თემა

მთავარი თემა

ინტერვიუ - ექსკლუზივი