2018-02-15 14:42:50, 1665 ნახვა

---

რებეკა ჰარმსი: აუცილებელი არაა ჩაბუქის გაწირვა იმისთვის, რომ საქართველოს თურქეთთან კარგი ურთიერთობა ჰქონდეს

ევროპარლამენტარი რებეკა ჰარმსი მიიჩნევს, რომ „დემირელის“ კოლეჯის ხარისხის მართვის ყოფილი მენეჯერის, მუსტაფა ემრე ჩაბუქის ექსტრადიცია თურქეთში არ უნდა განხორციელდეს.

ევროპარლამენტარის თქმით, საქართველომ ამ სიტუაციაში საკუთარ რეპუტაციაზეც უნდა იზრუნოს.

"ის მასწავლებელია და არა ტერორისტი. საქართველოში ძალიან რთულ პერიოდში - რუსეთთან ომის შემდეგ, ჩამოვიდა. ასწავლიდა "დემირელის" სკოლაში. ძალიან ბევრი მეგობარი ჰყავდა და ვფიქრობ, ბევრი მიზეზია იმისა, რომ არ მოხდეს მისი ექსტრადირება. გასაგებია, რომ საქართველოს და თურქეთს დიდი ხნის პარტნიორული ურთიერთობა აკავშირებს, მაგრამ არ არის აუცილებელი მუსტაფას გაწირვა იმისათვის, რომ საქართველოს თურქეთთან კარგი ეკონომიკური ურთიერთობა ჰქონდეს. საქართველომ არ უნდა დააზარალოს თავისი რეპუტაცია და არ უნდა მოხდეს ჩაბუქის ექსტრადიცია", - განაცხადა რებეკა ჰარმსმა.

ცნობისთვის, ევროპარლამენტარმა დღეს გლდანის ციხეში მუსტაფა ემრე ჩაბუქი მის ადვოკატთან ერთად მოინახულა.

---

ავტორი: ,

---

დღის თემა

მთავარი თემა

ინტერვიუ - ექსკლუზივი