„საქართველოს ფოსტა“ მსოფლიო საფოსტო კავშირის პროექტის „SECUREX“-ის  ფარგლებში ჩართულია საბაჟო ელექტრონული წინასწარი დეკლარირების პროგრამაში, რომლის მიზანია მომხმარებლისთვის საბაჟო პროცედურის გამარტივება, გზავნილების განვლადობის და ჩაბარების პროცესის დაჩქარება.

პროგრამის გამართულად მუშაობის მონიტორინგის მიზნით საქართველოს ფოსტას ეწვია მსოფლიო საფოსტო კავშირის საფოსტო ტექნოლოგიების ცენტრის ექსპერტი ლორან მიულერი. მან ადგილზე შეისწავლა პროგრამის მუშაობა და მაღალი შეფასება მისცა განხორციელებულ სამუშაოებს, ასევე დადებითად შეაფასა სატესტო რეჟიმში პარტნიორებთან მუშაობის პროცესი. ამ ეტაპზე გრძელდება მუშაობა პროგრამული და ტექნიკური მიმართულებით.

სსიპ საქართველოს შემოსავლების სამსახურის საბაჟო დეპარტამენტთან ერთად საქართველოს ფოსტა აღნიშნული პროექტის ამოქმედებას 2018 წლის მეორე ნახევრიდან გეგმავს.

წინასწარი საბაჟო დეკლარირების პროგრამა ამ ეტაპზე მსოფლიოს 100-მდე ქვეყანაშია დანერგილი. მსოფლიო საფოსტო კავშირის რეგულაციების შესაბამისად, 2020 წლისთვის სრულად მოხდება მისი იმპლემენტაცია მსოფლიო საფოსტო კავშირის 192 წევრ ქვეყანაში.

საქართველოს ფოსტა ორიენტირებულია მომხმარებლისთვის მაღალი ხარისხის მომსახურების მოკლე დროში მიწოდებაზე, რის დასტურსაც წარმოადგენს აღნიშნულ პროგრამაში ჩართულობა. მაღალი სტანდარტის მომსახურება, თითოეული გზავნილის ადრესატამდე უვნებლად და დროულად მიტანა განაპირობებს  საქართველოს ფოსტის წარმატებას როგორც ადგილობრივ, ასევე საერთაშორისო ბაზარზე.

(NS)

ავტორი: ,

სოციალური ქსელები

ტრამპი იმედოვნებს, რომ უკრაინასა და რუსეთს შორის ცეცხლის შეწყვეტის შეთანხმება 11 მაისის შემდეგ გაგრძელდება

9 მაისი ევროპის დღეა - ექსპო-ჯორჯიაში ევროკავშირის 27 წევრი ქვეყნა გამოფენებებს აწყობს

აშშ-მ სანქციები დაუწესა იმ ფიზიკურ და იურიდიულ პირებს, რომლებიც ირანს „შაჰედის“ წარმოებაში ეხმარებიან

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია