თბილისის მერმა კახა კალაძემ ივანე ჯავახიშვილის სახელობის თბილისის სახელმწიფო უნივერსიტეტის 100 წლის იუბილესადმი მიძღვნილი მიღება გამართა.

დედაქალაქის საკრებულოში შეკრებილ სტუმრებს თბილისის მერმა ღირსშესანიშნავი თარიღი მიულოცა და პირველი ეროვნული უნივერსიტეტის მნიშვნელობაზე ისაუბრა.

„დღეს გვაქვს პატივი, ვუმასპინძლოთ საზეიმო საღამოს თბილისის სახელმწიფო უნივერიტეტის 100 წლის იუბილესთან დაკავშირებით. მინდა, მივულოცო ეს ძალიან მნიშვნელოვანი თარიღი სახელმწიფო  უნივერსიტეტს და წარმატება ვუსურვო  მის ყველა კურსდამთავრებულს. თუ გადავხედავთ ბოლო 100 წლის ისტორიას,  არ ყოფილა არცერთი მნიშვნელოვანი მომენტი, რომელიც ეროვნულ საკითხებს შეეხებოდა და უნივერსიტეტსა თუ სტუდენტებს თავისი მოსაზრება არ დაეფიქსირებინათ. თბილისის სახელმწიფო უნივერსიტეტი სწორედ იმით არის გამორჩეული, რომ ის დაფუძნებულია საერთო ეროვნულ ფასეულობებზე“, - განაცხადა თბილისის მერმა.

საიუბილეო საღამოს თბილისის სახელმწიფო უნივერსიტეტის პროფესორ-მასწავლებლებთან და უცხოელ სტუმრებთან ერთად განათლებისა და მეცნიერების მინისტრი მიხეილ  ჩხენკელი,  უნივერსიტეტის რექტორი გიორგი შარვაშიძე, თბილისის საკრებულოს წევრები, ასევე, საქართველოში აკრედიტებული დიპლომატიური კორპუსის  წარმომადგენლები  დაესწრნენ.

(NS)

ავტორი: ,

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს