თბილისის საქალაქო სასამართლოში დემირელის კოლეჯის ხარისხის მართვის ყოფილი მენეჯერის, მუსტაფა ემრე ჩაბუქის თურქეთში ექსტრადირების საკითხის განხილვა 19 თებერვლამდე გადაიდო.

აღნიშნულის მიზეზი ნაწილობრივ დაცვის მხარის შუამდგომლობა გახდა.

ადვოკატებმა განაცხადეს, რომ სჭირდებათ გარკვეული დრო, რათა გაეცნონ სასამართლოში პროკურატურის მიერ წარდგენილ პოზიციას, რასაც არ დაეთანხმა პროკურატურა. თუმცა, სასამართლომ მიიჩნია, რომ დაცვის შუამდგომლობის გარდა, წარმოდგენილი იყო სასამართლოს მეგობრის პოზიციები და მასალების გაცნობას გარკვეული დრო სჭირდებოდა.

შეგახსენებთ, გასული წლის 24 მაისს, თბილისში, თურქეთის მხარის მოთხოვნით, დემირელის კერძო კოლეჯის ხარისხის მართვის მენეჯერი მუსტაფა ემრე ჩაბუქი დააკავეს. მას თურქეთის პროკურატურა ბრალად შეიარაღებული/ტერორისტული ორგანიზაციის წევრობას სდებს, რასაც თავად ჩაბუქი კატეგორიულად უარყოფს.

ჩაბუქის წინასაექტრადაციო პერიოდი თებერვალში იწურება.

ავტორი: ,

სოციალური ქსელები

პარლამენტმა მამუკა მდინარაძისთვის უფლებამოსილების ვადამდე შეწყვეტის საკითხს მხარი დაუჭირა

ბოჭორიშვილმა ევროკავშირის ელჩი ახსნა-განმარტებისთვის დაიბარა

ბელგოროდის რეგიონში უკრაინის დარტყმების შედეგად, ერთი ადამიანი გარდაიცვალა

სროლაში ეჭვმიტანილი მასწავლებელი, ტრამპს უკრაინის მიტოვებაში ადანაშაულებდა