2018-01-10 17:36:35, 1738 ნახვა

---

სასამართლომ ხორავაზე მომხდარი მკვლელობის საქმეზე ბრალდების მტკიცებულებები კანონიერი გზით მოპოვებულად მიიჩნია

ხორავას ქუჩაზე მომხდარი მკვლელობის საქმის პროკუროსის ზვიად ფხაკაძის ინფორმაციით, სასამართლომ ბრალდების მხარის მიერ წარდგენილი ყველა დოკუმენტაცია, ასევე ნივთიერი მტკიცებულებები კანონიერი გზით მოპოვებულად მიიჩნია.

როგორც პროკურორმა აღნიშნა, სასამართლომ დაადგინა, რომ მტკიცებულებების მოპოვების პროცესში არანაირ დარღვევას ადგილი არ ჰქონია.

"სასამართლომ ბრალდების მხარის მიერ წარდგენილი ყველა დოკუმენტაცია, ასევე ნივთიერი მტკიცებულებები სასამართლომ კანონიერი გზით მოპოვებულა მიიჩნია. სასამართლომ აღნიშნა, რომ მტკიცებულებების მოპოვების პროცესში არანაირ დარღვევას ადგილი არ ჰქონია, როგორც საქართველოს კანონმდებლობით ასევე ევროსასამართლოს პრაქტიკის გათვალისწინებით. სასამართლომ აღნიშნული მტკიცებულებები მიიჩნია დასაშვებად და აღნიშნა, რომ საქმის არსებით განხილვაზე მტკიცებულებების განხილვა მოხდეს სრული მოცემულობით. არსებითი განხილვის სტადიაზე ბრალდების მხარე უზრუნველყოფს მათ კანონმდებლობით დადგენილი წესით გამოკვლევას და დარწმუნებული ვარ, რომ ბრალდებულების არაკანონიერი ქმედება დადასტურდება", - განაცხადა საქმის პროკურორმა.

---

ავტორი: ,

---

დღის თემა

მთავარი თემა

ინტერვიუ - ექსკლუზივი