თბილისის საქალაქო სასამართლომ პოეტ ზვიად რატიანის საქმეზე გადაწყვეტილება მიიღო.

მოსამართლე ქეთევან მინაშვილმა პოლიციის კანონიერი მოთხოვნისადმი დაუმორჩილებლობისა და წვრილმანი ხულიგნობისთვის, რატიანი ადმინისტრაციულ სამართალდამრღვევად სცნო და მას 2 000-ლარიანი ჯარიმა დააკისრა.

ამასთან, მოსამართლემ რატიანი გააფრთხილა, რომ თუ ჯარიმას კანონით დადგენილ ვადაში არ გადაიხდის, მის მიმართ შესაბამისი სანქციები გატარდება.

ზვიად რატიანი საპოლიციო კონტროლის ფარგლებში დააკავეს. რატიანმა სამართალდამცველები უფლებამოსილების გადამეტებაში და ფიზიკური შეურაცხყოფის მიყენებაში დაადანაშაულეა. შსს-ში კი განაცხადეს, რომ ზვიად რატიანი ნასვამ მდგომარეობაში იყო და სამართალდამცველებს შეურაცხყოფას თავად აყენებდა.

24 დეკემბერს, თბილისის პროკურატურის საგამოძიებო ნაწილში დაიწყო გამოძიება საქართველოს შინაგან საქმეთა სამინისტროს ცალკეული თანამშრომლების მხრიდან მოქალაქე ზვიად რატიანის მიმართ სამსახურებრივი უფლებამოსილების შესაძლო ძალადობით გადამეტების ფაქტზე, დანაშაული გათვალისწინებული საქართველოსსსკ-ის 333-ე მუხლის მესამე ნაწილის "ბ" ქვეპუნქტით.

ავტორი: ,

სოციალური ქსელები

კობახიძე - ყველა პარამეტრით ვუსწრებთ უკრაინას და მოლდოვას

ზურაბიშვილი ქართველი მებრძოლების ჩამოსვენებაზე - საპატიო ყარაული არ არის, დიდი სირცხვილია

უკრაინაში დაღუპული ბაჩო ბებია და დავით ღოღაძე სამშობლოში ჩამოასვენეს

პროკურატურა ამტკიცებს რომ ღობის საქმის პროკურორზე მამის ბიზნესების გამო, თავდასხმა ხორციელდება