სასჯელაღსრულების და პრობაციის სამინისტროს N14 პენიტენციურ დაწესებულებას ქუთათელ-გაენათელი მიტროპოლიტი კალისტრატე და სასჯელაღსრულებისა და პრობაციის მინისტრის მოადგილე ზვიად მიხანაშვილი ესტუმრნენ. მეუფე კალისტრატემ დაწესებულების ტერიტორიაზე ახლადაშენებული წმინდა თამარ მეფის სახელობის ტაძარი აკურთხა და საღვთო ლიტურგია ჩაატარა.

ტაძარი მსჯავრდებულებისა და დაწესებულების თანამშრომლების მონაწილეობით აშენდა. მეუფე კალისტრატემ პატრიარქის ლოცვა-კურთხევით ტაძრის მშენებლობაში შეტანილი წვლილისთვის მათ საპატრიარქოს სიგელები, ასევე საპატრიარქოსგან საეკლესიო კალენდარი გადასცა.

სასჯელაღსრულებისა და პრობაციის მინისტრის მოადგილემ, ზვიად მიხანაშვილმა მსჯავრდებულებსა და დაწესებულების თანამშრომლებს ტაძრის კურთხევა მიულოცა.

„გეგუთის N14 პენიტენციურ დაწესებულებაში თამარ მეფის სახელობის ეკლესია უწმინდესის ლოცვა-კურთხევით გაიხსნა. სიმბოლურია, რომ ტაძრის კურთხევა სრულიად საქართველოს კათოლიკოს პატრიარქის აღსაყდრების მე-40 წლისთავს დაემთხვა. მინდა, თითოეულ მსჯავრდებულს საკუთარ ოჯახში მალე დაბრუნება ვუსურვო“, _აღნიშნა ზვიად მიხანაშვილმა.

მეუფე კალისტრატემ დაწესებულებაში მყოფი ადამიანები დალოცა და აღნიშნა, რომ  ეკლესიის მადლი ყველა იქ მყოფ ადამიანს შეეწევა.

დაწესებულების ტერიტორიაზე ტაძრის მშენებლობას საფუძველი 2016 წელს ჩაეყარა. ეკლესია შემოწირულობით აშენდა. მშენებლობაში მონაწილეობა 100-მდე მსჯავრდებულმა მიიღო.

(NS)

ავტორი: ,

სოციალური ქსელები

კობახიძე - ყველა პარამეტრით ვუსწრებთ უკრაინას და მოლდოვას

ზურაბიშვილი ქართველი მებრძოლების ჩამოსვენებაზე - საპატიო ყარაული არ არის, დიდი სირცხვილია

უკრაინაში დაღუპული ბაჩო ბებია და დავით ღოღაძე სამშობლოში ჩამოასვენეს

პროკურატურა ამტკიცებს რომ ღობის საქმის პროკურორზე მამის ბიზნესების გამო, თავდასხმა ხორციელდება