პანკისში ჩატარებულ სპეცოპერაციასთან დაკავშირებით, სუს-ში ბრიფინგი გაიმართება

2017-12-26 11:13:25, 1961 ნახვა

სამართალი

სახელმწიფო უსაფრთხოების სამსახურში ბრიფინგი გაიმართება.

უწყების ინფორმაციით, განცხადება კონტრტერორისტული დეპარტამენტის მიერ ჩატარებულ სპეცოპერაციასთან დაკავშირებით გაკეთდება.

ბრიფინგი 12:00 საათზეა დანიშნული.

ცნობისთვის, პანკისის ხეობის სოფლებში ომალოსა და დუისში გამთენიისას სპეცოპერაცია ჩატარდა. პანკისის სათემო რადიოს ინფორმაციით, სახელმწიფო უსაფრთხოების სამსახურმა სპეცოპერაციის შედეგად სოფელ ომალოში საკუთარ საცხოვრებელ სახლში ბაადურ (ბადო) ჩოფანაშვილი დააკავა. წინასწარი ინფორმაციით, ის ახმედ ჩატაევის ჯგუფისთვის დახმარების გაწევის ბრალდებით არის დაკავებული.

როგორც პანკისის სათემო რადიოს კორესპონდენტი ადგილიდან იტყობინება, ასევე გაჩხრიკეს სოფელ დუისში, ვახო მაჩალიკაშვილის სახლი. ხეობაში 60-ზე მეტი სპეცრაზმელი იყო მობილიზებული. ადგილობრივების ინფორმაციით, სოფელ დუისში ასევე დააკავეს ტემირლან და რუსლან მაჩალიკაშვილები.

სპეცოპერაცია სავარაუდოდ თბილისში, ბერი გაბრიელ სალოსის ქუჩაზე 22 ნოემბერს ჩატარებულ კონტრტერორისტულ ოპერაციას უკავშირდება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები