2015-05-11 09:18:56, 314 ნახვა
პოლიტიკა
გიორგი მარგველაშვილი იენს სტოლტენბერგს შეხვდება
საქართველოს პრეზიდენტი გიორგი მარგველაშვილი ნატო-ს გენერალურ მდივანს იენს სტოლტენბერგს შეხვდება.
ამის შესახებ ჩრდილოატლანტიკური ალიანსის ოფიციალური ვებგვერდი იტყობინება.
გიორგი მარგველაშვილი და იენს სტოლტენბერგი ერთობლივ პრესკონფერენციას გამართავენ.
ამასთან, საქართველოს პრეზიდენტი ბრიუსელში ევროკავშირის პრეზიდენტს დონალდ ტუსკს, ევროკავშირის უმაღლეს წარმომადგენელს ფედერიკა მოგერინს და ევროკომისარს ევროკავშირის სამეზობლო პოლიტიკასა და გაფართოების საკითხებში იოჰანეს ჰანსს შეხვდება.
გიორგი მარგველაშვილი აღმოსავლეთ პარტნიორობის კონფერენციაში მონაწილეობას მიიღებს და ასევე, ევროპარლამენტის საგარეო საქმეთა კომიტეტში სიტყვით გამოვა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
