სოფლის მეურნეობის მინისტრის მოადგილე გიორგი ხანიშვილი თბილისის სახელმწიფო უნივერსიტეტის ეკონომიკის საერთაშორისო სკოლის კვლევითი ინსტიტუტის  (ISET Policy Institute) პროექტის „რეფორმეტრი“ ფარგლებში განხორციელებულ სოფლის მეურნეობის განვითარების სტრატეგიის შესრულების შეფასების პრეზენტაციას დაესწრო.

შეხვედრაზე უწყების ინსტიტუციური მოწყობის, ადამიანური რესურსების განვითარების, ინფრასტრუქტურისა და საბიუჯეტო თანხების მიზნობრივი მართვის, ასევე, საკანონმდებლო მიმართულებით მუშაობის კუთხით, სოფლის მეურნეობის სამინისტროს მუშაობა დადებითად შეფასდა.

სოფლის მეურნეობის მინისტრის მოადგილის, გიორგი ხანიშვილის განცხადებით,  სოფლის მეურნეობის დარგის განვითარება ქვეყნის ეკონომიკის წინსვლაში ერთ-ერთ უმთავრეს როლს ასრულებს, რისთვისაც  მიზნად დასახულია ქვეყანაში სოფლის მეურნეობის მიმართულებით არსებული პოტენციალის მაქსიმალური ათვისების ხელშეწყობა.

„მადლობას გიხდით სოფლის მეურნეობის განვითარების სტრატეგიის შეფასებისთვის. მოგეხსენებათ, მიმდინარე წელი სოფლის მეურნეობის დარგისთვის რთული იყო. არასასურველ კლიმატურ პირობებს ახალი ინვაზიური მავნებლის, აზიური ფაროსანას გავრცელებაც დაემატა. აღნიშნული გამოწვევების პირობებში, განსაკუთრებით მნიშვნელოვანია ეკონომიკის ექსპერტების მხრიდან დადებითი შეფასების მოსმენა. სირთულეებთან ერთად, მიმდინარე წელს წარმატება გვქონდა ღვინის ექსპორტის ზრდის კუთხით; წარმატებით ჩაიარა რთველმაც. დარგში მნიშვნელოვანი მიღწევებია, თუმცა გამოწვევაც ბევრია და, შესაბამისად, ჩვენი შესაძლებლობები სრულად უნდა გამოვიყენოთ“, - განაცხადა გიორგი ხანიშვილმა.

შეხვედრას  დარგის ექსპერტები, საერთაშორისო, დონორი ორგანიზაციების და კერძო სექტორის წარმომადგნელები ესწრებოდნენ.

(NS)

ავტორი: ,

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა