|
2017-12-12 15:44:23, 2095 ნახვა
საზოგადოება
ახალგაზრდების ეკონომიკური გაძლიერებისთვის საჭირო უნარებისა და ცოდნის კლუბები ექვს ქალაქში შეიქმნება
ახალგაზრდების ეკონომიკური გაძლიერებისთვის საჭირო უნარების შეძენა, სოციალური მეწარმეობის შესახებ ცოდნის მიღება, სამოქალაქო და სამართლებრივი ცნობიერების ამაღლება - ეს არასრული ჩამონათვალია იმ მიმართულებებისა, რომლებსაც მოსწავლეები „ახალგაზრდების ეკონომიკური გაძლიერებისთვის საჭირო უნარებისა და ცოდნის კლუბებში“ (SKYE კლუბები) დაეუფლებიან. პროგრამა, რომელსაც იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრი“ World Vision საქართველოს წარმომადგენლობასთან ერთად ახორციელებს, პილოტურ რეჟიმში 6 ქალაქში დაიწყება. ესენია - თბილისი, რუსთავი, ბათუმი, გორი, თელავი და ლაგოდეხი. სკოლებში საინფორმაციო შეხვედრები უკვე დასრულდა. ახალგაზრდები გაეცნენ SKYE კლუბების არსს, მის ძირითად სასწავლო მიმართულებებს, მიიღეს ინფორმაცია კარიერული და პიროვნული განვითარებისთვის პროგრამის როლსა და მნიშვნელობაზე. კლუბებში მონაწილეობის შესაძლებლობა აქვთ 16 - 21 წლის ახალგაზრდებს და ოთხი სასწავლო მიმართულებით იმუშავებს: აქტიური მოქალაქეობა, ლიდერობა, დასაქმებისთვის საჭირო უნარ-ჩვევები, სოციალური მეწარმეობა. პროგრამა სწავლების ეტაპზე ითვალისწინებს თეორიულ და პრაქტიკულ კომპონენტებს. ახალგაზრდებს ლიდერების ხელმძღვანელობით მცირე დაფინანსების ფარგლებში, თემის საჭიროებებიდან გამომდინარე, შესაძლებლობა ექნებათ დაგეგმონ და განახორციელონ სხვადასხვა სოციალური პროექტი. პროექტების ფინანსურ მხარდაჭერას პროგრამის განმახორციელებელი ორგანიზაციები სრულად უზრუნველყოფენ. აღსანიშნავია, რომ მსგავსი კლუბები მსოფლიოს 21 ქვეყანაში წარმატებით ფუნქციონირებს.
(NS)
|
რედაქტორის რჩევით
ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო
წინადადება თბილისს: იცვლის თუ არა უკრაინა კურსს საქართველოსთან მიმართებაში
ომი უკრაინაში
ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა
რუსეთის ფედერაციამ სუმის ოლქი დაბომბა: 5 დაღუპული, 11 დაჭრილი
ვიდეო/LIVE პატრიარქის ილია მეორის დაკრძალვა - პირდაპირი
|





epn.ge (@expressnews.ge)