მთავარი პროკურორის პირველი მოადგილის მამუკა ვასაძის განცხადებით, ფონდ "იავნანას" დამფუძნებელი პაატა ბურჭულაძე ვალდებულია სასამართლოში გამოცხადდეს.

როგორც ვასაძემ განმარტა, ბურჭულაძის გამოკითხვა შესაბამისი პროცედურების დაცვით სასამართლოში მოხდება

"საჯარო განცხადებებში ბატონმა პაატა ბურჭულაძემ  და მისმა ადვოკატმა განაცხადეს, რომ უარს ამბობენ საგამოძიებო ორგანოში გამოცხადებაზე. ამის შემდგომ, პროცედურულად არსებობს სასამართლო გზით მისი გამოკითხვა. შესაბამისი პროცედურების დაცვით მოხდება სასამართლოში გამოძახება ბატონი ბურჭულაძის და სასამართლოში გამოკითხვა. სასამართლოში გამოცხადება შესაბამისად სავალდებულოა და არა ნებაყოფლობითი. ის ვალდებული იქნება გამოცხადდეს სასამართლოში", - აღნიშნა მთავარი პროკურორის მოადგილემ.

შეგახენებთ, ფონდ "იავნანას" დამფუძნებელი პაატა ბურჭულაძე პროკურატურაში მოწმის სახით გამოკითხვაზე დაიბარეს, თუმცა მან განაცხადა, რომ უწყებაში მისვლას არ აპირებს და მოსამართლის თანდასწრებით გამოკითხვა მოითხოვა.

ცნობისთვის, საქმე ეხება ფონდის დიდი ოდენობით თანხის სამსახურებრივი მდგომარეობის გამოყენებით, შესაძლო მითვისება-გაფლანგვის ფაქტს.

ავტორი: ,

სოციალური ქსელები

ამერიკელი პოლიტიკოსები გმობენ ტრამპთან სადილზე სროლას

ბათუმში ძალადობის და ნარკოდანაშაულის ბრალდებით უცხო ქვეყნის მოქალაქე დააკავეს

ჩერნობილის 40 წელი - კატასტროფა, რომლის დამალვაც სცადეს

უკრაინული დრონები თავს დაესხნენ ობიექტებს რუსეთის ფედერაციის იაროსლავისა და ვოლოგდას რეგიონებში