სასჯელაღსრულებისა და პრობაციის მინისტრის მოადგილე ზვიად მიხანაშვილი და პარლამენტის ადამიანის უფლებათა დაცვის კომიტეტის თავმჯდომარე სოფიო კილაძე კომიტეტის წევრებთან ერთად  N11 არასრულწლოვანთა სარეაბილიტაციო დაწესებულებას ესტუმრნენ.

სასჯელაღსრულების სამინისტროს ინფორმაციით, ზვიად მიხანაშვილი და სოფიო კილაძე არასრულწლოვან  მსჯავრდებულებს 2012 წლის შემდეგ პენიტენციურ სისტემაში გატარებულ რეფორმებზე ესაუბრნენ.

 ზვიად მიხანაშვილის განცხადებით,  უწყების ერთ-ერთი მთავარი პრიორიტეტია მსჯავრდებულებს ღირსეული პირობები შეუქმნან, განათლების შესაძლებლობა მისცენ, რათა მათ დაწესებულება გარკვეული პროფესიული ცოდნით დატოვონ. 

ადამიანის უფლებათა დაცვის კომიტეტის თავმჯდომარემ ვრცლად ისაუბრა საკანონმდებლო კუთხით გატარებულ ცვლილებებთან დაკავშირებით, მათ შორის სისხლის სამართლის პოლიტიკის ლიბერალიზაციასა და არასრულწლოვანთა მართლმსაჯულების კოდექსზე.

სოფიო კილაძემ აღნიშნა, რომ სასჯელაღსრულების სისტემაში არსებული პროგრესი უპრეცედენტოა.

„მძიმეა, ასეთი ახალგაზრდების ყოფნა სასჯელაღსრულების დაწესებულებაში. ვფიქრობ, სახელმწიფო და სრულიად საზოგადოება ერთად უნდა დავდგეთ, რათა ბავშვები დაკავებულები იყვნენ განათლებით, სპორტით, ჯანსაღი ცხოვრების წესით და ნაკლები შეხება ჰქონდეთ დანაშაულებრივ პროცესებთან.  მადლობას ვუხდი მინისტრ კახა კახიშვილს, მის მოადგილეს და  მთელ გუნდს, რომლებიც მუდმივად შრომობენ დაწესებულებებში ღირსეული პირობების შესაქმნელად. არსებული ვითარება იმის შედეგიცაა, რომ 2012 წლის შემდეგ  ბევრი კანონპროექტი იქნა პარლამენტის მხრიდან მხარდაჭერილი,“-განაცხადა სოფიო კილაძემ.

სასჯელაღსრულებისა და პრობაციის სამინისტრო კვლავ განაგრძობს მუშაობას მსჯავრდებულთა რეაბილიტაცია/რესოციალიზაციისა და მათი პირობების გაუმჯობესების კუთხით.

(NS) 

ავტორი: ,

სოციალური ქსელები

საქართველოს ბანკისა და სულაკაურის შეთავაზება მოსწავლეებისა და სტუდენტებისთვის

ალიანსი: 4 ოქტომბრის საქმეზე დაკავებულები არიან პოლიტიკური პატიმრები

ლელო: სპეცრაზმელების დაკავება არის ოცნების მორიგი ფარსი და თავის გადარჩენის მცდელობა

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო