საქართველოში ამერიკის შეერთებული შტატების ელჩის იან კელის განცხადებით, ბერი გაბრიელ სალოსის გამზირზე მომხდარ სპეცოპერაციასთან დაკავშირებით, ბევრი კითხვის ნიშანი არსებობს.

როგორც ელჩმა "რუსთავი 2"-ის ეთერში აღნიშნა, გამოძიების პროცესში ქართულ მხარეს გარკვეიული ტექნიკური დახმარება გამოძიების ფედერალურმა ბიურომ გაუწია.

"ამ ეტაპზე ვუსმენთ და გვსურს უფრო მეტი ინფორმაციის მიღება მომხდარის შესახებ. რა თქმა უნდა ბევრი კითხვა გვაქვს და ბევრი კითხვა აქვს ალბათ საქართველოს მთავრობასაც. ველით გავიგოთ უფრო მეტი რამ ოპერაციის შესახებ. რა თქმა უნდა გვაქვს კითხვაც, როგორ შემოვიდა ჩატაევი საქართველოში და იგივე შეკითხვა აქვს საქართველოს მთავრობასაც. ჩვენ არ ვიყავით ჩართული ოპერაციაში, თუმცა დასაწყისში ვიყავით ინფორმირებული", - განაცხადა იან კელიმ.

შეგახსენებთ, რომ 21-22 ნოემბერს ბერი გაბრიელ სალოსის ქუჩაზე ანტიტერორისტული სპეცოპერაცია ჩატარდა, რის შედეგადაც 4 სამართალდამცველი დაშავდა და ერთი სპეცრაზმელი დაიღუპა. ასევე, მოხდა 3 ბოროტმოქმედის ლიკვიდირება, რომელთაგან ერთ-ერთი აჰმედ ჩატაევია.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა