2017-12-01 16:30:44, 2388 ნახვა
მსოფლიო
რუსეთის დუმაში, შესაძლოა, ამერიკელი ჟურნალისტები აღარ შეუშვან
რუსეთის დუმაში ამერიკელი ჟურნალისტები შესაძლოა, აღარ დაუშვან, - ამის შესახებ "რადიო თავისუფლება" იუწყება.
ამერიკული მედია საშუალებების წარმომადგენლების წინააღმდეგ შეზღუდვის დაწესებას დუმის წევრები მომავალ კვირას უყრიან კენჭს.
მედიის ცნობით, ეს იქნება საპასუხო ზომა, რომელსაც რუსეთი ამერიკის წინააღმდეგ მიიღებს. მანამდე, სახელისუფლებო ტელეკომპანია Ruusia Today-ის ამერიკის კონგრესში აკრედიტაცია გაუუქმეს.
აღნიშნულ საკითხთან დაკავშირებით კენჭისყრა 5 დეკემბერს ჩატარდება, რის შემდეგადაც საკითხი პლენარულ სესიაზე განიხილება.
შეგახსენებთ, რომ 10 ნოემბერს ამერიკის შეერთებული შტატების იუსტიციის დეპარტამენტში რუსული ტელეკომპანია RT უცხო ქვეყნის აგენტად დაარეგისტრირეს.
![]()
ავტორი: ,
epn.ge (@expressnews.ge)
