პარლამენტის თავდაცვისა და უშიშროების კომიტეტის თავმჯდომარის ირაკლი სესიაშვილის განცხადებით, პირველ რიგში, სახელმწიფოა დაინტერესებული, რომ მაქსიმალურად დროულად და ამომწურავად მოხდეს ანტიტერორისტულ სპეცოპერაციასთან დაკავშირებით საზოგადოების ინფორმირება. თუმცა, სესიაშვილის თქმით, ეს ისე უნდა გაკეთდეს, რომ სახელმწიფო ინტერესები არ დაზიანდეს. სესიაშვილის განმარტებით, უახლოეს დღეებში სუს-ის ხელმძღვანელი ვახტანგ გომელაური ნდობის ჯგუფის წევრებს მიაწოდებს ინფორმაციას, მოგვიანებით კი საზოგადოების ინფორმირება მოხდება:

„ყველას, პირველ რიგში, საზოგადოებას სურს, რომ მიიღოს დროულად ამომწურავი ინფორმაცია, რამდენადაც გვინდა, ხვალინდელი დღე იყოს მშვიდობიანი. მესმის ჩემი კოლეგების, რომ მათი კითხვები, მათ შორის ვერსიები შეიძლება ლეგიტიმურად მივიღოთ, თუმცა კარგად უნდა გვესმოდეს, რომ სახელმწიფო უსაფრთხოების სამსახური და ჩვენი ხელისუფლება პირველ რიგშია დაინტერესებული, რომ მაქსიმალურად დროულად და ამომწურავად მოხდეს საზოგადოების ინფორმირება, თუ რა მოხდა. ყველა კითხვაზეა  პასუხი გასაცემი, მეორეს მხრივ უნდა ვიზრუნოთ, რომ ჩვენმა ქვეყანამ შეინარჩუნოს ძლიერი უსაფრთხობეის გარემო, იყოს სტაბილური, რაზეც არის დამოკიდებული ჩვენი ქვეყნის განვითარება.თითის გამოშვერა, რომ ჩვენ საზოგადოებას რაღაცას ვუმალავთ, ასე არ არის, რადგან ეს პირველ რიგში ჩვენს ინტერესშია. თუკი სუსი ამაზე დღეს ღიად არ საუბრობს, ამას აქვს თავისი მიზეზები, მგრძნობიერობა და სპეციფიკა, რაც უკავშირდება უსაფრთხოების დაცვას ჩვენს ქვეყანაში.უახლოეს დღეებში ვახტანგ გომელაური ნდობის ჯგუფის ფარგლებში ინფორმაციას მაიწვდის შესაბამის წევრებს, ხოლო მომავალში საზოგადოების მაქსიმალური ინფორმირება მოხდება“,-განაცხადა ირაკლი სესიაშვილმა.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა