|
2017-11-17 17:09:25, 2160 ნახვა
კომენტარი
სააკაშვილი: ქართველ ჟურნალისტს თავზე ტომარა ჩამოაფარეს, ხელბორკილები დაადეს და დაუდგენელი მიმართულებით წაიყვანეს
საქართველოს მესამე პრეზიდენტის მიხეილ სააკაშვილის ინფორმაციით, კიევში, საკუთარი სახლიდან ქართველი ჟურნალისტი თამაზ შავშიშვილი გაიტაცეს, - ამის შესახებ სააკაშვილი Facebook-ის საკუთარ გვერდზე წერს. როგორც სააკაშვილმა აღნიშნა, ჟურნალისტს უკრაინაში ყოფნის აკრედიტაცია და ყველა საჭირო საბუთი ჰქონდა. მისივე თქმით, შავშიშვილს ხელბორკილები დაადეს, თავზე ტომარა ჩამოაცვეს და უცნობი მიმართულებით წაიყვანეს. ყოფილი პრეზიდენტის თქმით, გამტაცებლები ჟურნალისტის ბინის გვერდზე რემონტს აკეთებდნენ და სპეცტანსაცმელში იყვნენ გამოწყობილები. მანვე დასძინა, რომ ტელეკომპანია "რუსთავი 2"-ის ჟურნალისტი თამაზ შავშიშვილი მის საქმიანობას აქტიურად აშუქებდა. სააკაშვილმა სხვა მსგავსი შემთხვევებიც გაიხსენა და აღნიშნა, რომ ეს პირველად არ ხდება. „ასე ექცევა ამ ადამიანებს მატყუარა და მხდალი პრეზიდენტი, რომელსაც არ ადარდებს რომ აქ ადამიანები უკრაინისთვის იბრძოდნენ. ის საკუთარ შვილებს არ გააგზავნის საბრძოლველად. მას არ ადარდებს სიტყვის თავისუფლება. მას აქვს ტელევიზია და იტაცებენ ჟურნალისტს, რომლის მიზანი სხვა არაფერია, თუ არა ის, რომ ინფორმაცია აღნიშნა მიხეილ სააკაშვილმა. ექს-პრეზიდენტმა ამაში ასევე რუსეთის პრეზიდენტი ვლადიმერ პუტინი დაადანაშაულა და განმარტა, რომ ეს კრემლის და პოროშენკოს ერთობლივი სქემაა. "მე არ მეშინია შენ პეტრო. თქვენ მე ვერ შემაშინებთ და მე ბრძოლას გავაგრძელებ. ახლა ვიმყოფები ჟულიანის აეროპორტში და შეგიძლიათ მოხვიდეთ, თქვენი არ მეშინია", - განაცხადა სააკაშვილმა. მისივე ინფორმაციით, ჟურნალისტს კიევში 8 თვის ორსული ცოლი დარჩა.
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
რუსებმა ოდესაში საცხოვრებელი სახლები დაბომბეს, რის შედეგადაც ორი ადამიანი დაიღუპა და 15 დაშავდა
რუსებმა დნეპრის ცენტრში მაღალსართულიან შენობა დაბომბეს, რის შედეგადაც ორი ადამიანი დაიღუპა და 10 დაშავდა
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|





epn.ge (@expressnews.ge)