ევროკომისიის 2017 წლის ანგარიშის მიხედვით, საქართველო ასრულებს თავის ვალდებულებებს  ღრმა და ყოვლისმომცველი თავისუფალი სავაჭრო სივრცით განსაზღვრულ ვადებში. ანგარიშში საუბარი შეეხება იმ პროგრესს, რომელიც  სხვადასხვა მიმართულებით იქნა მიღწეული.

ანგარიშში ხაზგასმულია, რომ საკანონმდებლო დაახლოების კუთხით საქართველომ წარმატებული ნაბიჯები გადადგა დადგენილ ვადებში. ანგარიშში აღიარებულია ის პროგრესი, რასაც საქართველომ მიაღწია ევროკავშირის ბაზარზე ახალი პროდუქტების შეტანის კუთხით და აღნიშნულია, რომ 2017 წელს ევროკავშირის ბაზარზე თაფლისა და მატყლის შემდეგ  დაშვებულ იქნა შავი ზღვის თევზიც. აქცენტი გაკეთებულია იმაზეც, რომ 2016 წელს საქართველო ევროპისა და ხმელთაშუა ზღვის მცენარეთა დაცვის ორგანიზაციის წევრი გახდა, რაც ხელს შეუწყობს სურსათის ეროვნული სააგენტოს 2017 წლის ფიტოსანიტარიული კონტროლოს პროგრამის გაუმჯობესებას.

ეკონომიკის სამინისტროს ინფორმაციით, კიდევ ერთი სფერო, სადაც საქართველომ დადებითი შეფასება დაიმსახურა, მომსახურებით ვაჭრობაა. ანგარიშში დადებითაა შეფასებული, რომ საქართველო აგრძელებს კანონმდებლობის მიღებას საფოსტო მომსახურების შესახებ. ამასთან, ხაზგასმულია, რომ კანონმდებლობის მთავარი მიზანია მარეგულირებელი ჩარჩოს ჩამოყალიბება და უნივერსალური მომსახურების უზრუნველსაყოფად სახსრების მოძიება, რათა დაკმაყოფილებულ იქნას საფოსტო მომსახურების მომხმარებელთა საჭიროებები.

(NS)

ავტორი: ,

სოციალური ქსელები

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზეც საბურავების ორი ახალი მოდელი წარადგინეს

"საქართველოს ბანკის" მობილბანკიდან უცხოურ ბანკში გადარიცხვების ფუნქციონალი სრულად განახლდა