პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა მონაწილეობა მიიღო საინვესტიციო ჯგუფის „BGEO”-ს მიერ ორგანიზებულ ინვესტორთა დღისადმი მიძღვნილ ღონისძიებაში და პრეზენტაცია გააკეთა საქართველოს ეკონომიკური ტენდენციებისა და სამთავრობო რეფორმების შესახებ.

“BGEO ჯგუფი“  ინვესტორთა დღეს ყოველწლიურად მართავს და მასში, ტრადიციულად, აღნიშნული საინვესტიციო ჯგუფის ინვესტორი კომპანიების წარმომადგენლები მონაწილეობენ, რომლებიც საქართველოში მსოფლიოს სხვადასხვა ქვეყნებიდან ჩამოდიან.

პირველმა ვიცე-პრემიერმა დიმიტრი ქუმსიშვილმა ინვესტორი კომპანიების წარმომადგენლებს მიაწოდა დეტალური ინფორმაცია საქართველოს ეკონომიკური მდგომარეობის და მთავრობის მიმდინარე რეფორმების შესახებ. მისი თქმით, ეკონომიკური ტენდენციების უფრო ხელსაყრელმა განვითარებამ, მთავრობას საშუალება მისცა 2017 წლის რეალური ეკონომიკური ზრდის პროგნოზი 4 პროცენტიდან 4.7 პროცენტამდე გაეზარდა.

დიმიტრი ქუმსიშვილმა აგრეთვე ვრცლად მიმოიხილა ფისკალური და სტრუქტურული რეფორმები, რომლებიც მიმართულია საქართველოს ეკონომიკური ზრდის ტემპის დაჩქარებისკენ. 

(NS)

ავტორი: ,

სოციალური ქსელები

ეუთოს საპარლამენტო ასამბლეის კომიტეტმა მხარი დაუჭირა საქართველოში არსებული ვითარების შესახებ რეზოლუციის პროექტს

თიბისი კაპიტალის ექსკლუზიური მხარდაჭერით, თეგეტა მოტორსმა ადგილობრივ ბაზარზე პირველი 6-თვიანი ობლიგაციები განათავსა

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზეც საბურავების ორი ახალი მოდელი წარადგინეს

"საქართველოს ბანკის" მობილბანკიდან უცხოურ ბანკში გადარიცხვების ფუნქციონალი სრულად განახლდა