|
2017-11-09 13:34:01, 2019 ნახვა
სამართალი
N5 პენიტენციურ დაწესებულებაში ფილმის „ექვთიმე ღვთისკაცი“ ნაწყვეტების ჩვენება მოეწყო
სასჯელაღსრულებისა და პრობაციის სამინისტროს N5 პენიტენციურ დაწესებულებას ფილმ „ექვთიმე ღვთისკაცის" რეჟისორი ნიკოლოზ ხომასურიძე შემოქმედებით ჯგუფთან ერთად ესტუმრა და ფილმის ნაწყვეტების ჩვენება გაიმართა. ფილმი „ექვთიმე ღვთისკაცი“ ექვთიმე თაყაიშვილის ცხოვრებასა და მოღვაწეობას ასახავს. ფილმის ნაწყვეტების ჩვენება პირველად სასჯელაღსრულების დაწესებულებაში მოხდა. ფილმზე მუშაობა ამ დრომდე მიმდინარეობს და ის კინოთეატრებში უახლოეს მომავალში გამოვა. სასჯელაღსრულების სამინისტროს ინფორმაციით, ჩვენების დასრულების შემდეგ ვიქტორინა გაიმართა. სტუმრებმა მსჯავრდებულებს ექვთიმე თაყაიშვილის ცხოვრების შესახებ დაუსვეს კითხვები. სწორი პასუხების ავტორებმა სტუმრებისგან საჩუქრები მიიღეს. რეჟისორმა ნიკოლოზ ხომასურიძემ აღნიშნა, რომ ფილმის ნაწყვეტების ჩვენება ქალბატონებისთვის საინტერესო, ხოლო შემოქმედებითი ჯგუფისთვის - მსჯავრდებულთა ემოციები და შეფასება მნიშვნელოვანი გამოცდილება აღმოჩნდა. მისი თქმით, ის მზად არის, მომავალშიც ითანამშრომლოს სასჯელაღსრულებისა და პრობაციის სამინისტროსთან. სასჯელაღსრულებისა და პრობაციის სამინისტროს N5 პენიტენციური დაწესებულების დირექტორმა ნესტან ვერულაშვილმა დაწესებულებებში მსგავსი კულტურული აქტივობების გამართვის მნიშვნელობას გაუსვა ხაზი. „ფილმი ძალიან შთამბეჭდავი და ემოციური აღმოჩნდა. არანაკლებ საინტერესო იყო ფილმის დასრულების შემდეგ გამართული დისკუსია და ექვთიმე თაყაიშვილის მოღვაწეობაზე საუბარი. მადლობა მინდა გადავუხადო ფილმის შემოქმედებით ჯგუფს და ასევე სასჯელაღსრულებისა და პრობაციის სამინისტროს, ქალბატონებისთვის ამ შესაძლებლობის მიცემისათვის. მსგავსი შეხვედრები დაწესებულებაში ხშრად ტარდება“, - აღნიშნა ნესტან ვერულაშვილმა. სასჯელაღსრულებისა და პრობაციის სამინისტროს სხვადასხვა პენიტენციურ დაწესებულებაში კულტურულ-შემეცნებითი ღონისძიებები აქტიურად ხორციელდება, რაც მსჯავრდებულთა/ბრალდებულთა რესოციალიზაცია-რეაბილიტაციას უწყობს ხელს.
(NS)
მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა
ბრიტანეთის პრემიერ-მინისტრი თანამდებობიდან გადადგა
პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა
გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს
|
რედაქტორის რჩევით
პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები
დაკარგული შანსი საქართველოსთვის - უკრაინამ და მოლდოვამ ევროკავშირში გაწევრიანების პირველი კლასტერი გახსნეს
ომი უკრაინაში
უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს
რუსეთი შავ ზღვაში თურქულ გემს თავს დაესხა, რასაც მსხვერპლი მოჰყვა
ვიდეო/LIVE პატრიარქის ილია მეორის დაკრძალვა - პირდაპირი
ივანიშვილის პარლამენტში თავისუფალი და კრიტიკული მედიის და ჟურნალისტების აკრედიტაცია შეუძლებელი ხდება
დღის თემა
პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები
მთავარი თემა
|





epn.ge (@expressnews.ge)