სააკაშვილისთვის მოქალაქეობის მინიჭებისა და ჩამორთმევის ფაქტზე გამოძიება დაიწყება

2017-10-20 14:29:03, 2394 ნახვა

მსოფლიო

უკრაინის სასამართლომ ქვეყნის შინაგან საქმეთა მინისტრს, არსენ ავაკოვს დაავალა, მიხეილ სააკაშვილისთვის უკრაინის მოქალაქეობის უკანონო მინიჭებისა და ჩამორთმევის საკითხთან დაკავშირებით, პრეზიდენტ პეტრო პოროშენკოს წინააღმდეგ სისხლის სამართლის საქმე აღძრას, - ამის შესახებ უკრაინელმა ადვოკატმა რენატ კუზმინმა განაცხადა.

როგორც კუზმინი Facebook-ის საკუთარ გვერდზე წერს, სასამართლომ შესაბამისი გადაწყვეტილება გუშინ მიიღო.

"გუშინ, პეჩერსკის სასამართლომ დააკმაყოფილა ჩემი საჩივარი და პოლიციას დააკისრა სააკაშვილისთვის უკრაინის მოქალაქეობის უკანონო მინიჭების და ჩამორთმევის ფაქტზე გამოძიება ჩაატაროს. ახლა სააკაშვილს აქვს სრული უფლება უმაღლეს რადასთან დადგეს და ყველა დამნაშავის დასჯა მოითხოვოს, როგორც პრეზიდენტის, გენპროკურორის, ასევე შს მინისტრის", - განაცხადა გენერალური პროკურორის ყოფილმა მოადგილემ.