„ქართული ოცნება - დემოკრატიული საქართველოს“ ვაკის მაჟორიტარობის კანდიდატი გიორგი ბირბიჩაძე მოსახლეობას კარდაკარ ხვდება.

კანდიდატი, წინასაარჩევნო კამპანიის ფარგლებში, ვაჟა-ფშაველას მე-7 კვარტალში იმყოფებოდა, სადაც ადგილობრივ მოსახლეობას საარჩევნო პროგრამის პრიორიტეტები წარუდგინა და სამომავლო გეგმები გააცნო. 

გიორგი ბირბიჩაძის თქმით, წლების განმავლობაში დაგროვილი პრობლემების სრულად მოგვარება მომავალ ოთხ წელიწადში, რა თქმა უნდა, შეუძლებელი იქნება, თუმცა „ქართული ოცნების“ მერობის კანდიდატის პროგრამული ხედვა, სწორედ, არსებული გამოწვევების დროულად და ეფექტურად დაძლევაზეა ორიენტირებული და გამარჯვების მოპოვების შემდეგ როგორც თბილისში, ისე მის თითოეულ რაიონში ხელშესახები და თვალსაჩინო ცვლილებები განხორციელდება. 

„ჩვენ არ ვხუჭავთ თვალს არსებულ გამოწვევებზე და ეს ყველაზე მნიშვნელოვანია. საჭიროა, ადგილობრივი თვითმმართველობის წარმომადგენლები სწორად აფასებდნენ საჭიროებებს და ადეკვატურად, დროულად რეაგირებდნენ ხალხის ხმაზე. ადგილობრივი თვითმმართველობის მთავარი როლიც, სწორედ, ეს არის - ჩვენ ხალხთან ერთად უნდა ვმართოთ მოვაგვაროთ ლოკალური პრობლემები. ვაკეს, როგორც დედაქალაქის ცენტრალურ რაიონს, უმნიშვნელოვანესი როლი აქვს სიცოცხლით სავსე თბილისის შენებაში, სწორედ ამიტომ, გპირდებით, მაქსიმუმს გავაკეთებ ჩემს გუნდთან ერთად არსებული პრობლემების მოსაგვარებლად - თბილისელები მალე იგრძნობენ იმ სიკეთეებს, რასაც ახალი მმართველი გუნდი მოუტანს ქალაქ“, - აღნიშნა გიორგი ბირბიჩაძემ მოსახლეობასთან შეხვედრებისას. 

(NS)

ავტორი: ,

სოციალური ქსელები

კობახიძე - დღეს ჩვენი ეროვნული და სულიერი ცხოვრების ისტორიული ფურცელი გადაიშალა

ბიძინა და ეკატერინა ივანიშვილები შიო მესამეს - დღეიდან თქვენ გაკისრიათ საპატიო მისია, უხელმძღვანელოთ დედა ეკლესიას, იყოთ ერის და ბერის სულიერი მამა

არჩეული პატრიარქი შიო მესამედ იწოდა, ვინ იყვნენ შიო პირველი და შიო მეორე

შიო მუჯირი 22 ხმით სრულიად საქართველოს კათოლიკოს-პატრიარქი გახდა