საქართველოს მესამე პრეზიდენტი მიხეილ სააკაშვილი უკრაინის ხელისუფლებას მოუწოდებს, დღეს დაგეგმილ აქციაზე პროვოკაციები არ დაუშვას, - ამის შესახებ ოდესის ყოფილმა გუბერნატორმა Facebook-ის საკუთარ გვერდზე გავრცელებულ ვიდეო მიმართვაში განაცხადა.

როგორც სააკაშვილმა აღნიშნა, მას ვიდეომიმართვის გავრცელება მას შემდეგ მოუწია, რაც უკრაინის შინაგან საქმეთა მინისტრის მრჩეველმა ზორიან შკირიაკისმა განაცხადა, რომ გენერალური პროკურორის დავით საყვარელიძის დაცვის წევრი იარაღის ყიდვის მცდელობის დროს დააკავეს.

სააკაშვილის თქმით, აქცია მშვიდობიან ფორმატში ჩაივლის და პუტჩის მზადება უარყო.

"მინდა ხელისუფლების წარმომადგენლებს მივმართო - ვიღაცაში გეშლებით, ბიჭებო. თქვენი მასშტაბები ჩემზე არ მოქმედებს. მე, მიხეილ სააკაშვილი მარგინალური ჯგუფის ლიდერი არ ვარ, ვიღაც არამკითხე არ ვარ, რომელიც ციდან ჩამოვარდა. მე არ ვარ ის ადამიანი, რომელიც პუტჩს ან ძალადობას ამზადებს. საქართველოში მშვიდობიანი რევოლუციის ლიდერი ვიყავი. ეს იყო ის რევოლუცია, რომლის ციტირებას პოროშენკო ახდენდა. ვარდების რევოლუცია იმის მაგალითი იყო, თუ როგორ უნდა შეცვალო ხელისუფლება მშვიდობიანი გზით. ჩემი შეიარაღებული პროვოკაციების მომზადებაში დადანაშაულება სისულელე და სიტუტუცეა. ნუთუ მართლა ხალხს ხროვად თვლით და ფიქრობთ, რომ ნებისმიერ სისულელეს მიჰყიდით? მშვიდობიანი აქციისას პროვოკაციებზე, რომელიც დღეს გაიმართება, პასუხისმგებლობას პირადად პოროშენკოს და ასევე ავაკოვს ვაკისრებ. მთელი პასუხისმგებლობით ვაცხადებ, რომ ყველა ჩვენი მომხრე და მხარდამჭერი არის ქვეყნის პატრიოტი და ისინი არანაირი პროვოკაციის მომზადებას არ აპირებენ. ისინი იბრძვიან საკუთარი შვილების მომავლისთვის. აქცია არის დიდი პროცესის დასაწყისი. შესაძლო პროვოკაციები ნეგატიურ გავლენას იქონიებს ქვეყანაზე, ასე რომ გირჩევთ თქვენი წინამორბედების მაგალითს არ მიჰყვეთ და პროვოკაციებისგან თავი შეიკავოთ. მთელი ქვეყანა მხარს გვიჭერს. მოვუწოდებ სამართალდამცველებს და ეროვნულ გვარდიას პროვოკაციებს არ წამოეგონ, რადგან თქვენც ხალხის ინტერესებს იცავთ და არ ხართ "ბარიგების" მხარეს. ხალხი გაიმარჯვებს", - განაცხადა მიხეილ სააკაშვილმა.

ცნობისთვის, დღეს საქართველოს ყოფილი პრეზიდენტი კიევი, პარლამენტის წინ მასშტაბური აქციის გამართვას გეგმავს.

ავტორი: ,

სოციალური ქსელები

აქტივისტი ალბი კორძაია ახალ მიმართვას ავრცელებს სადაც სავარაუდო გაუპატიურებაზე საუბრობს

სუს: უცხო ქვეყნის სპეცსამსახურის ჯაშუშობის ბრალდებით დაკავებულია საქართველოს 1 მოქალაქე, მხილებულია 2

მოლდოვის სასამართლომ პრორუს ოლიგარქ ვლადიმერ პლაჰოტნიუკს 19-წლიანი პატიმრობა მიუსაჯა

უნგრეთის ვეტოს მოხსნის შემდეგ, EU-მა უკრაინისთვის €90 მლრდ-ის სესხის პაკეტი დაამტკიცა