„ხაზგასმით მინდა აღვნიშნო, რომ  აზიური ფაროსანა ადამიანის ჯანმრთელობაზე არ მოქმედებს, ის არ კბენს ადამიანს, არც ცხოველს, არ არის სისხლის მწოველი მწერი“,-ამის შესახებ დაავადებათა კონტროლის და საზოგადოებრივი ჯანდაცვის ეროვნუი ცენტრის ხელმძღვანელმა ამირან გამყრელიძემ ჟურნალისტებს განუცხადა.

როგორც მან აღნიშნა, მავნებელ მწერს არ გადააქვს არავითარი ინფექცია, თუმცა გაჭყლეტის შემთხვევაში მას არასასიამოვნო სუნი აქვს

„აზიურმა ფაროსანამ ძალიან სერიოზული ზიანი მიაყენა ჩვენს სოფლის მეურნეობას განსაკუთრებით ბოლო ორი წლის განმავლობაში. ხაზგასმით მინდა აღვნიშნო რომ ეს მწერი,  ბაღლინჯო ადამიანის ჯანმრთელობაზე არ მოქმედებს.  ის არ კბენს ადამიანს, არც  ცხოველს,  არ არის  სისხლის მწოველი მწერი. მას არ გადააქვს არავითარი ინფექცია, თუმცა გაჭყლეტის შემდეგ შეიძლება ჰქონდეს მის გამონადენს არასასიამოვნო სუნი, რომელიც ამ მავნებლისთვის არის დამცავი მექანიზმი  სხვა მწერების წინააღმდეგ. ამიტომ ადამიანის ჯანმრთელობისთვის ის საშიში არ არის, თუმცა როდესაც სახლშია  დიდი რაოდენობით ეს მწერი რა თქმა უნდა ეს არასასიამოვნოა და ბევრ უხერხულობას ჰქმნის. აციების წინ ხდება მათი მიგრაცია გარედან შიგნით.  სასურველია  გამოყენებული იქნას ის მექანიკური დაცვის საშუალებები, რაც რეკომენდირებულია ამ დროს. აქ ჩვენ ახალ ველოსიპედს არ ვიგონებთ. მოგეხსენებათ ყველაზე დიდი გამოცდილება აქვს აშშ-ს ამ მწერთან ბრძოლაში. სასურველია მოსახლეობამ იხმაროს მექანიკური დაცვის საშუალებები. განსაკუთრებით ადვილია მისი მექანიკური საშუალებებით განადგურება, ეს იქნება მტვერსასრუტი თუ საპნიანი წყალი, სადაც ნათურა არის დამაგრებული მწერის მოსაზიდად. ყველა საშუალებას რასაც შინ ადამიანი გამოიყენებს კარგად უნდა გაეცნონ და დარწმუნდნენ  ის გამოიყენება სწორედ ამ მწერების წინააღმდეგ. ყველა ეს საშუალება არის ქიმიური საშუალება და არასწორი გამოყენების შემთხვევაში მაშინ შეიძლება მას ჰქონდეს გარკვეული გვერდითი მოქმედება. ამიტომ ჩვენ მაინც რეკომენდაციას მექანიკურ საშუალებას ვუწევთ“,-განაცხადა  გამყრელიძემ.

ამირან გამყრელიძის ინფორმაციით, მწერთან ბრძოლის სამუშაოებს  სკოლებში და ბაღებში სასწავლო პროცესი მასობრივად არ შეუფერხებია.

„სკოლებში სასწავლო პროცესი მასობრივად არ შეუფერხებია, ერთეული ინფორმაცია გვაქვს სულ რამდენიმე სკოლიდან სადაც გუშინ და დღეს მიმდინარეობს სადეზინფექციო სამუშოები და ამიტომაც იქ რამდენიმე დღით შეაჩერეს სწავლის პროცესი“,-დასძინა ამირან გამყრელიძემ.  

ავტორი: ,

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის