ოკუპირებული აფხაზეთის დე-ფაქტო საგარეო სამინისტრო ნატო-ს საპარლამენტო ასამბლეის მიღებულ რეზოლუციას გამოეხმაურა.

როგორც ე.წ. საგარეო უწყების განცხადებაშია ნათქვამი, საქართველოს ჩრდილოატლანტიკურ ალიანსში ინტეგრაციის გააქტიურებისკენ მოწოდება შემაშფოთებელია.

"აფხაზეთის რესპუბლიკაში კარგად ახსოვთ 2008 წლის სამიტის ოთხი თვის შემდეგ როგორ წამოიწყო საქართველომ სისხლიანი ომი სამხრეთ ოსეთთან. რომ არა NATO-ში შესვლის საქართველოს მანიაკალური სურვილი და პარტნიორების მხრიდან ამ სურვილის წახალისება, შეიძლება, სამხრეთ ოსეთში დატრიალებული ტრაგედია თავიდან აგვეცილებინა. საქართველოს დასავლური მეგობრები ყველა ძალებით უბიძგებენ საქართველოს ალიანსში გაწევრიანებას და ახლო წარსულის გაკვეთილების სწავლა არ სურთ. ვერ აცნობიერებენ, რომ სამხედრო ბლოკში გაწევრიანების წახალისებით, ქართულ საზოგადოებასა და ხელისუფლებაში აგრესიისა და მოუთმენლობის ზრდას უწყობენ ხელს. საქართველოს და მისი პარტნიორების მიერ იმ საკითხის რეგულარული ტირაჟირება, რომ ტერიტორიების ოკუპაცია ხდება, აზრს მოკლებულია", - ნათქვამია განცხადებაში.

გარდა ამისა, განცხადებით თანახმად, რუსეთის ფედერაციის მიერ აფხაზეთის ე.წ. დამოუკიდებლობის აღიარების შემდეგ, ორ მხარეს შორის ურთიერთობა ორმხრივი შეთანხმებების საფუძველზე გვარდება, მათ შორის, სამხედრო სფეროშიც.

"სამხედრო სფეროში მიღწეული შეთანხმებები მიმართულია იმისკენ, რათა აფხაზეთის თავდაცვისუნარიანობა და უსაფრთხოება უზრუნველყოს და ეს არ მოქმედებს საქართველოზე. ამასთან, აფხაზეთის რესპუბლიკის საგარეო საქმეთა სამინისტრო მიმართავს NATO-ს საპარლამენტო ასამბლეას, რათა მსგავსი დოკუმენტების მიღებისას ნეიტრალიტეტი შეინარჩუნოს", - აღნიშნულია განცხადებაში.

ავტორი: ,

სოციალური ქსელები

კობახიძე - გულწრფელად ვულოცავ ფაშინიანს არჩევნებში მისი პარტიის წარმატებას

ფაშინიანის "სამოქალაქო კონტრაქტის" ეგზიტპოლით, მათი პარტია არჩევნებში 56.7%-ით იმარჯვებს

სომხეთში საპარლამენტო არჩევნები დასრულდა

მაღალი აქტივობა: სომხეთში ამომრჩეველთა აქტივობამ საღამოს 5:00 საათის მონაცემებით თითქმის 49% შეადგინა