თბილისის მერი დავით ნარმანია რიყის პარკში, თბილისობის დღესასწაულთან დაკავშირებით გამართულ ღონისძიებებს დაესწრო.

მერიის ინფორმაციით, პირველად თბილისში, საგანგებოდ „თბილისობა 2017“-სთვის, რიყის პარკში ფრანების ფესტივალი მოეწყო. ფერადი დროშებით შეიქმნა  გამყოფი სივრცე  ფერადი ფრანების ინსტალაციისთვის. ფესტივალისთვის გამოყენებული იყო სპეციალური მასალისგან დამზადებული პროფესიონალური ფრანები. მოეწყო მასტერკლასები ბავშვებისთვის, ასევე  ღონისძიებაზე დამსწრეებისათვის წარმოდგენილი იყო ფრანების შექმნის ისტორია.

თბილისობის დღესასწაულისთვის ევროპის მოედანზე თბილისთან დაძმობილებული და პარტნიორი ქალაქების პავილიონები განთავსდა. დაძმობილებული და პარტნიორი ქალაქები  თავიანთი დამახასიათებელი კულტურული, კულინარიული, შემეცნებითი კუთხით იყვნენ წარმოდგენილები. მოეწყო  მსუბუქი კონსტრუქციის პავილიონები, რომლებიც  წარმოდგენილი ქვეყნების დროშებით გადაიხურა.

დეკორატიული ჩარჩოთი და დაძმობილებული და პარტნიორი ქალაქების რუქით გაფორმებულ ეკრანზე, 7 და 8 ოქტომბერს, პარტნიორ და დაძმობილებულ ქალაქებთან დაკავშირებული ფოტოკოლაჟი გამოიფინება.

 7 და 8 ოქტომბერს, 14:00 სთ-დან 19:00 სთ-მდე, სხვადასხვა ჟანრის კონცერტები ჩატარდება ასევე ევროპის მოედანზე. მოეწყობა ქართული ცეკვის მასტერკლასი, სამეჯლისო ცეკვები, ინკლუზიური ცეკვის ნომრები და ტანგოს საღამო.

წარმოდგენილი იქნება შერეული ქორეოგრაფიული შოუ პროგრამა: მსოფლიო ხალხთა და სამეჯლისო ცეკვები, სამი ინკლუზიური ნომერი და ცეკვები მიუზიკლებიდან. შერეული პროგრამა შედგება  15 ნომრისგან, ცნობილი მოცეკვავეებისა და შეზღუდული შესაძლებლობის მქონე პირების მონაწილეობით.

თბილისის მერმა ლეღვთახევის გვირაბში ფოტო გამოფენაც დაათვალიერა. გამოფენა მეიდან ჯგუფის და ქოლგა თბილისი ფოტოს ორგანიზებით, თბილისის მერიის მხარდაჭერით იმართება.

გამოფენაზე წარმოდგენილია „ფოტოფესტივალ ქოლგა თბილისი ფოტო  2017“-ის  ნომინაციაში  „ერთი კადრი“ გამარჯვებული ფოტოები.

(NS)

ავტორი: ,

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის