„ამ კონსტიტუციის შეცვლის აუცილებლობა რამ განაპირობა ეს ყველაზე კარგად იცის იმ პოლიტიკურმა ძალამ, რომელმაც იძალადა ქვეყნის ძირითად კანონზე, როგორც  ძალადობდნენ ადამიანებზე“, - ამის  შესახებ პარლამენტის იურიდიულ საკითხთა კომიტეტის თავმჯდომარემ ეკა ბესელიამ რიგგარეშე სხდომაზე განაცხადა.

როგორც ბესელიამ აღნიშნა, წინამორბედი ხელისუფლება ისე ცვლიდა კონსტიტუციას, რომ არც არავის ეკითხებოდა.

„სახელი ჰქვია იმ კონსტიტუციას, რომელსაც ჩვენ დღეს ვცვლით. თავი ადგას მიხეილ სააკაშვილის და ტანი არის კოლექტიური „ნაციონალური მოძრაობის“.  ეს არის დღეს კონსტიტუცია, რომელსაც  იმ დონის პოლიტიკური კრიზისების შექმნა  შეუძლია, რომელიც ნებისმიერ დროს, ნებისმიერი თანამდებობის  პირის ხელში არის უსერიოზულესი პოლიტიკური ინსტრუმენტი  ამოაყირაოს ქვეყანა ერთ მშვენიერ დღეს. ამ ცვლილებებს როდესაც ვადარებთ რა პროცესი უძღოდა წინ წლების განმავლობაში, მე მაქვს  53  ცვლილება მახსოვს შეტანილი კონსტიტუციაში, რომელსაც  ის პოლიტიკური ძალა ახორციელებდა, რომელიც გველაპარაკება ჩვენ კონსტიტუციაზე ძალადობის თაობაზე, რომელიც ისე ცვლიდა კონსტიტუციას, რომ არც არავის არ ელაპარაკებოდა, ვენეციის კომისიას მასხრად იგდებდა, იმ დროინდელი პრეზიდენტი მესიჯებს გვიკითხავდა პირდაპირ ეთერში როგორ ოხუნჯობდა ვენეციის კომისიის პრეზიდენტთან, მერე ვენეციის კომისიას შეცვლილ დოკუმენტს უგზავნიდნენ და კარს ჩაკეტავდნენ და არავის შიგნით არ უშვებდნენ“,-განაცხადა ბესელიამ.

ცნობისთვის, პარლამენტი საკონსტიტუციო ცვლილებების პროექტს მესამე მოსმენით იხილავს. რიგგარეშე სხდომას, საკონსტიტუციო კომისიის წევრები, მთავრობის წარმომადგენლები, აღმასრულებელი ხელისუფლების წარმომადგენლები, აჭარისა და აფხაზეთის ავტონომიური რესპუბლიკის ხელმძღვანელები და NGO-ები ესწრებიან.

ავტორი: ,

სოციალური ქსელები

ლონდონში ანტისემიტიზმის წინააღმდეგ მასობრივი მიტინგი გაიმართა

რეჟიმის წარმომადგენელი პაპუაშვილი - ფიშერის ფაილი დახურულია, გერმანიაში მის გამგზავრებას ველოდებით

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება