|
2017-09-16 16:51:01, 1953 ნახვა
საზოგადოება
429 დევნილ ოჯახს ქუთაისში ბინები გადაეცა
429 დევნილი ოჯახი, ქუთაისში, ახალაშენებულ კორპუსებში ბინების მესაკუთრე გახდა. საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა დევნილ ოჯახებს სიტყვით მიმართა და ახალმოსახლეობა მიულოცა. „ძალიან მიხარია, რომ 429 დევნილი ოჯახისთვის ძალიან მძიმე პირობებში ცხოვრება დამთავრდა და დღეს ახალი ბინები მიიღეს. ვხედავ ბავშვებს, ვხედავ ასაკოვან ადამიანებს, ყველას ერთად დღეიდან, საშუალება გექნებათ, რომ ადამიანურ პირობებში იცხოვროთ. თუმცა, ყველანი ერთად გამოვთქვამთ იმედსა და მტკიცე რწმენას, რომ ეს თითოეული თქვენგანისთვის დროებითი სახლია, რადგან ჩვენი ყველას სახლი არის ჩვენს სოხუმში, ჩვენს გაგრაში, ჩვენს გალში, ჩვენს ცხინვალსა და ახალგორში, სადაც აუცილებლად დავბრუნდებით. მაგრამ მანამდე თითოეულ თქვენგანს სჭირდება სახლი. მადლობა თქვენ იმ მოთმინებისთვის, რომლითაც ამ გაჭირვებას უძლებდით წლების განმავლობაში და რომელიც დღეს დამთავრდება. ძალიან ბევრი დევნილი ჯერ კიდევ ელოდება ბინას და მათ მინდა ვუთხრა, რომ ქუთაისში უკვე დაწყებულია ახალი კორპუსების მშენებლობა და ამას ემატება მშენებლობები წყალტუბოში“,- განაცხადა სოზარ სუბარმა. მინისტრთან ერთად, დევნილ ოჯახებს სიმბოლური გასაღებები იმერეთის გუბერნატორის მოადგილემ იოსებ ხახალეიშვილმა, ქუთაისის მერმა შოთა მურღულიამ და ქუთაისის მაჟორიტარმა დეპუტატებმა გადასცეს. გასაღებების გადაცემის საზეიმო ცერემონია და სპეციალურად ამ დღისადმი მიძღვნილი კონცერტი ქუთაისში, რამაზ შენგელიას სახელობის სტადიონზე გაიმართა. ქუთაისში, შერვაშიძის ქუჩაზე კიდევ 6 ახალი კორპუსის მშენებლობა მიმდინარეობს, სადაც ბინას 480 დევნილი ოჯახი მიიღებს. (NS)
|
რედაქტორის რჩევით
რა მეთოდები გამოიყენება ჟურნალისტებისა და მედიის დისკრედიტაციისთვის
რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო
ომი უკრაინაში
სხვადასხვა ქალაქების დაბომბვის შედეგად, უკრაინაში 6 ადამიანი დაიღუპა და 47 დაიჭრა
რუსეთმა ხარკოვსა და ზაპოროჟიეზე იერიში ზელენსკის მიერ გამოცხადებული „ცეცხლის შეწყვეტის“ შემდეგ მიიტანა
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|





epn.ge (@expressnews.ge)