საქართველოს მესამე პრეზიდენტი მიხეილ სააკაშვილი დღეს ლვოვიდან ჩერნოვციში გაემგზავრება, - ამის შესახებ "უკრაინსკაია პრავდა" ყოფილი გუბერნატორის პრესმდივანზე დარია ჩიჟზე დაყრდნობით იუწყება.

"დღეს მიხეილ სააკაშვილი ჩერნოვციში 18:00 საათზე, ცენტრალურ მოედანზე იქნება", - აღნიშნა პრესმდივანმა.

მას არ დაუკონკრეტებია როდის და როგორ გაემგზავრება სააკაშვილი.

ყოფილი პრეზიდენტის პარტიის პრესმდივანმა მარიანა პოშტარმა აღნიშნა, რომ სააკაშვილი ჩერნოვციში გამგზავრებამდე ლვოვში გამომცემლების ფორუმზე დასწრებას გეგმავდა. 

თავის მხრივ, უკრაინის შინაგან საქმეთა სამინისტროს ოფიციალურმა წარმომადგენელმა არტიომ შევჩენკომ განაცხადა, რომ სააკაშვილის გადაადგილებასთან დაკავშირებით სამართალდამცველები დამატებით ზომებს არ მიიღებენ. 

„ჩვენ არ ვაპირებთ ამ პირის თითოეულ ნაბიჯზე კომენტარის გაკეთებას. ზედმეტი პატივია. უბრალოდ, ვუზრუნველყოფთ საზოგადოებრივ წესრიგს, როგორც ეს ხდება ყველა მასობრივ შეკრებებზე. ასევე გავაგრძელებთ გამოძიებას“, - განაცხადა შევჩენკომ.  

ავტორი: ,

სოციალური ქსელები

თეთრი სახლი: ტრამპი მსოფლიო ჩემპიონატის ფინალს დაესწრება

აშშ-მ ირანზე საჰაერო დარტყმების ახალი ტალღის დაწყების შესახებ განაცხადა

აშშ-მ გაამკაცრა ვიზების გაცემის წესები უცხოელი ჟურნალისტებისა და სტუდენტებისთვის

უკრაინაში თავდაცვის მინისტრ ფედოროვის გადადგომის გამო საპროტესტო აქციები მიმდინარეობს