2015-04-28 15:11:36, 331 ნახვა
პოლიტიკა
შინაგან საქმეთა მინისტრი შვეიცარიის ელჩს შეხვდა
შინაგან საქმეთა მინისტრი ვახტანგ გომელაური შვეიცარიის ელჩ გიუნტერ ბეხლერს შეხვდა.
შსს-ს ინფორმაციით, შეხვედრაზე საუბარი ელჩის მიერ საქართველოში არსებულ ბიზნესგარემოსთან დაკავშირებით გაკეთებულ განცხადებებს შეეხო.
ცნობისთვის, გუშინ პრემიერ-მინისტრმა ირაკლი ღარიბაშვილმა, გიუნტერ ბეხლერთან შეხვედრის შემდეგ, შინაგან საქმეთა მინისტრს ელჩთან შეხვედრა, საკითხის შესწავლა და დანაშაულის გამოკვეთის შემთხვევაში, კანონის შესაბამისი ზომების გატარება დაავალა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
