მამა კახაბერ გოგოტიშვილი ე.წ. ციანიდის საქმის განაჩენთან დაკავშირებით კომენტარს არ აკეთებს.

როგორც გოგოტიშვილმა „ექსპრესნიუსს“ განუცხადა, შესაბამისი იურიდიული კომპეტენცია არ აქვს, რომ გადაწყვეტილება შეაფასოს:

„მე შეფასებას ვერ გავაკეთებ, რადგან არც მოსამართლე გახლავართ და არც გამომძიებელი. ვერანაირ შეფასებას ამ საკითხს ვერ მივცემ. არ ვარ კომპეტენტური ამაში, არც იურიდიული საკითხების და არც სხვა რამის“,-აღნიშნა მამა კახაბერ გოგოტიშვილმა.

შეგახსენებთ, თბილისის საქალაქო სასამართლომ ე.წ. ციანიდის საქმეზე ბრალდებული დეკანოზი გიორგი მამალაძე დამნაშავედ სცნო სსკ-ის 18/108-ე მუხლით გათვალისწინებულ ბრალდებაში.

გადაწყვეტილება მოსამართლე ბესიკ ბუგიანიშვილმა მიიღო.

დეკანოზის მიმართ წაყენებული ბრალდების მუხლი გადაკვალიფიცირდა. კერძოდ, მოსამართლემ მას ანგარებით მკვლელობის მომზადების ბრალდება მოუხსნა და შორენა თეთრუაშვილის მკვლელობის შურისძიებით მომზადებაში სცნო დამნაშავედ. მოსამართლემ მამალაძე ასევე დამნაშავედ სცნო ცეცხლსასროლი იარაღის უკანონოდ შენახვაში, თუმცა  შთანთქმის პრინციპის გამოყენებით, საბოლოო ჯამში დეკანოზს 9 წლით თავისუფლების აღკვეთა განესაზღვრა.

სასჯელის ათვლა მისი ფაქტობრივი დაკავების მომენტიდან დაიწყება.

განაჩენის გამოცხადებას თავად გიორგი მამალაძე არ ესწრებოდა. მოსამართლის თქმით, მან უარი განაცხადა პროცესზე მისვლაზე და აღნიშნულის მიზეზი არ განუმარტავს.

ავტორი: ,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა