პარლამენტის თავჯდომარის დავით უსუფაშვილის განცხადებით,  მაჟორიტარი დეპუტატები და ბიუროების განთავსების საკითხი თვითმმართველობების „ტვირთი“ არ უნდა იყოს.

ამის შესახებ უსუფაშვილმა ბიუროს დღევანდელ სხდომაზე გურჯაანში განვითარებულ მოვლენებთან დაკავშირებით განაცხადა.

მისივე თქმით, პარლამენტს საკმარისი თანხა აქვს გამოყოფილი იმისათვის, რომ ბიუროების განთავსებისთვის შენობები  იქირაონ.

“ჩვენ, პარლამენტის საქმიანობის დასაწყისშივე, მაჟორიტარების და მათი ბიუროების საქმიანობასთან დაკავშირებით გარკვეულ პრინციპებზე შევთანხმდით. შეთანხმების რამდენიმე მნიშვნელოვან კომპონენტს შორის იყო ისიც, თუ სად და როგორ უნდა განთავსდეს მაჟორიტარ დეპუტატთა ბიუროები. გვინდოდა, ბევრ სხვა მახინჯ პრაქტიკასთან ერთად დაგვესრულებინა ისიც, როცა პარლამენტის მაჟორიტარები ხშირ შემთხვევაში სრულაიდ არამიზნობრივად და კომპეტენციის მიღმა იყენებდნენ თვითმმართველობის რესურსებს – არა მხოლოდ შენობებს, არამედ ბევრ სხვა რამეს. თვითმმართველობას ჰქონდა განცდა, რომ უნდა მომსახურებოდა მას. ჩვენ ამ პრაქტიკის დასრულება გვსურდა, მათ შორის იმიტომაც, რომ ხელი შეგვეწყო თვითმმართველობის განვითარებისათვის. მინდა შევისწავლო საკითხი. წინასწარი მონაცემებით ირკვევა, რომ ძალიან ბევრ ადგილზე შენობა-ნაგებობები პარლამენტის მაჟორიტარი წევრებისათვის უსასყიდლო უზურფრუქტის წესით არის გადაცემული. ეს მაშინ, როცა თვითმმართველობისთვის ბიუჯეტის ყოველი თეთრი არის ძალიან მნიშველოვანი და ჩვენ, პარლამენტის წევრებს პარლამენტის მიერ გამოყოფილი გვაქვს საკმარისი თანხა იმისთვის, ვიქირაოთ შენობები საკუთარი ბიუროების განთავსებისთვის. ეს თვითმმართველობის ტვირთი არ უნდა იყოს”, - განაცხადა უსუფაშვილმა პარლამენტის ბიუროს სხდომაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი