საქართველოს პრემიერ-მინისტრი გიორგი კვირიკაშვილი აბასთუმანში გაჩენილ ხანძარს გამოეხმაურა. მისი თქმით, ადგილზე აქტიური სამუშაოები მიმდინარეობს. ასევე, პრემიერმა ისაუბრა იმ დახმარებაზე, რომელსაც საქართვლოს მეზობელი ქვეყნები სთავაზობენ და მათ მადლობა გადაუხადა:

„გუშინ საღამოს დამირეკა პრეზიდენტმა პოროშენკომ, შემოგვთავაზა თვითმფრინავის გამოგზავნა, სულ ახლო მომავალში შემოვა თვითმფრინავი, რისთვისაც მინდა დიდი მადლობა გადავუხადო მას. ჩვენ ასევე, სავარაუდოდ, გვექნება ვერტმფრენი აზერბაიჯანიდან, ასევე მინდა, აზერბაიჯანის  პრეზიდენტს გადავუხადო მადლობა არ მარტო ამ დახმარებისთვის, არამედ წინა პერიოდშიც მათი ავიაცია ჩვენ გამოვიყენეთ. ვფიქრობთ, ასეთი მოვლენების დროს ძალიან მნიშვნელოვანია რეგიონული თანამშრომლობა“,-აღნიშნა გიორგი კვირიკაშვილმა.

ცნობისთვის, აბასთუმანში ხანძრის სალიკვიდაციო სამუშაოებში, ქართულ დანაყოფებთან ერთად, უკრაინის, აზერბაიჯანის, თურქეთის და ირანის ავიაცია ჩაერთვება.

ინფორმაციას საგანგებო შტაბი ავრცელებს.

შტაბის ცნობით, ამ დროისთვის, აბასთუმანში მობილიზებულია შსს-სა და სხვა უწყებების შესაბამისი სამსახურები. ადგილზე 1000-მდე ადამიანი, ცოცხალი ძალა მუშაობს.

პრემიერ-მინისტრ გიორგი კვირიკაშვილსა და უკრაინის პრეზიდენტ პეტრო პოროშენკოს შორის სატელეფონო საუბრის შემდეგ, საქართველოში უკრაინული სამაშველო თვითმფრინავი გამოფრინდა, რომელიც ხანძრის ჩაქრობის პროცესში უახლოეს საათებში ჩაერთვება.

დახმარების მზადყოფნა გამოთქვა და შსს-ს სასაზღვრო პოლიციის ვერტმფრენთან ერთად აბასთუმანში ცეცხლის ლოკალიზებაზე იმუშავებს აზერბაიჯანის ვერტმფრენიც, რომელიც უკვე გამოფრინდა საქართველოსკენ.

რამდენიმე საათში, თურქეთიდან საქართველოში ორი ვერტმფრენი და ერთი თვითმფრინავი ჩამოფრინდება.

ორი სახანძრო-სამაშველო ვერტმფრენით საქართველოს ირანის ისლამური რესპუბლიკაც დაეხმარება.

ამჟამად,  აბასთუმანში მობილიზებულია შსს-სა და სხვა უწყებების შესაბამისი სამსახურები. ადგილზე 1000-მდე ადამიანი, ცოცხალი ძალა მუშაობს.

ავტორი: ,

სოციალური ქსელები

„დიდი შვიდეულის“ კომუნიკე - უნდა უზრუნველვყოთ, რომ ირანმა არასდროს შექმნას ბირთვული იარაღი

ბენზინის დეფიციტი რუსეთის 50-ზე მეტ რეგიონს შეეხო

„დიდი შვიდეულის“ ქვეყნები შეთანხმდნენ უკრაინისთვის საჰაერო თავდაცვის სისტემებისა და შორი მოქმედების რაკეტების მიწოდების გაზრდაზე

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ