შინაგან საქმეთა სამინისტროს სტრატეგიული მილსადენების დაცვის დეპარტამენტის ხელმძღვანელებმა ქვემო ქართლის რეგიონული სამმართველოს წალკის განყოფილების ბაზაზე ადგილობრივი სკოლების მოსწავლეებს უმასპინძლეს.

ვიზიტი სტრატეგიული მილსადენების დაცვის დეპარტამენტის ინიციატივითა და ორგანიზებით, პროექტის - „მართლწესრიგის უზრუნველყოფისა და დანაშაულის პრევენციის პროგრამა საჯარო სკოლებისთვის“ ფარგლებში ჩატარდა.

მოსწავლეებმა ბაზის ინფრასტრუქტურა, საცხოვრებელი შენობები და სპორტული დარბაზი დაათვალიერეს. სტუმრებისთვის ბაზის ტერიტორიაზე მოეწყო გამოფენა, სადაც წარმოდგენილი იყო სხვადასხვა ტიპის სპეციალური ტრანსპორტი და ტექნიკა, სამთო და სამხედრო აღჭურვილობა და სამედიცინო ინვენტარი.

სტრატეგიული მილსადენების დაცვის დეპარტამენტის თანამშრომლებმა მოსწავლეებს დეპარტამენტის დანიშნულება და მისი მუშაობის სპეციფიკა გააცნეს.

ვიზიტის დასასრულს, დეპარტამენტის ხელმძღვანელებმა მოზარდებს სამახსოვრო საჩუქრები გადასცეს.

ღონისძიების მიზანი იყო მოსწავლეების ცნობიერების ამაღლება და მათი ინფორმირება დანაშაულის პრევენციის, მართლწესრიგის და უსაფრთხოების შესახებ.

(NS)

ავტორი: ,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა