„ჯორჯიან უოთერ ენდ ფაუერი“, სამგორის რაიონის გამგეობის ხელშეწყობით, ვარკეთილის დასახლებაში  წყალსადენისა და წყალარინების ქსელის რეაბილიტაციას ახორციელებს.

თბილისის მერიის ინფორმაციით, აკაკი წერეთლის, ილია ჭავჭავაძის და ვაჟა-ფშაველას ქუჩებზე წყალსადენის მაგისტრალური ქსელი უკვე შეიცვალა.   წყალარინების ქსელის სარემონტო სამუშაოები კი წლის ბოლომდე  დასრულდება.

შოთა რუსთაველის ქუჩის N4, N6, N8, N10, N12 და მეგობრობის ქუჩის N1 კორპუსებისთვის ამ ეტაპზე უკვე მოეწყო  ახალი საკანალიზაციო ქსელი .

2017 წლის ბოლომდე  მეგობრობის და რუსთაველის ქუჩის წყალარინების ქსელის რეაბილიტაციის პროექტის მომზადებაა დაგეგმილი,  რის შემდეგაც  ქუჩების სრული რეაბილიტაციის სამუშაოები დაიწყება.

მიმდინარე სამუშაოებს  სამგორის რაიონის გამგებელი გიორგი ბაგრატიონი, ინფრასტრუქტურის სამსახურის, მუნიციპალიტეტის და   „ჯორჯიან უოთერ ენდ ფაუერის“ წარმომადგენლებთან ერთად გაეცნო. ამასთან,  გიორგი ბაგრატიონი   ვარკეთილის დასახლებაში მცხოვრებ მოსახლეობას შეხვდა და დაგეგმილი პროექტი განიხილა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„თეგეტამ“ რუსთავის ჭალის ტყის აღდგენისთვის გამწვანების აქცია გამართა

საპატრიარქომ იობის განათლება აღიარა და მას შესაბამისი ხარისხი მიანიჭა

აპრილში „ექსპრესნიუსი“ 1.7 მილიონჯერ წაიკითხეს, სოციალურ ქსელებში, ახალ ამბებს 11 მილიონი ადამიანი გაეცნო

რუსეთის ტერიტორიის მეოთხედი და მოსახლეობის 70% უკრაინული დრონების მოქმედების რადიუსში იმყოფება