2017-07-25 10:37:48, 2614 ნახვა
სამართალი
ლეილა მუსტაფაევა დღეს პროკურატურაში გამოკითხვაზეა დაბარებული
აზერბაიჯანელი ჟურნალისტის აფგან მუხთარლის მეუღლე დღეს მთავარ პროკურატურაში გამოკითხვაზეა დაბარებული.
მუსტაფაევა ადვოკატთან ერთად მთავარ პროკურატურაში 11:00 საათზე მივა.
იგი იმედოვნებს, რომ პროკურატურა გამოძიების იმიტაციას არ მოახდენს.
„ვფიქრობ, ყველაფერი „ქართული ოცნების" პოლიტიკურ ნებაზეა დამოკიდებული და არ აქვს მნიშვნელობა, ვინ ჩაატარებს გამოძიებას. შინაგან საქმეთა სამინისტრო დაკავებულია თანამშრომლების გათავისუფლებით. თუმცა, ვფიქრობ მას საქმის გამოძიებისთვის არაფერი გაუკეთებია. მინდა პროკურატურას ვთხოვო, გამოაშკარაოს ის ადამიანები, ვინც აფგან მუხთარლი გაიტაცა და პირები, ვინც ამ გატაცების ბრძანება გასცა“,-განუცხადა „რუსთავი 2“-ს მუსტაფაევამ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
