სოფლის მეურნეობის მინისტრის ლევან დავითაშვილის ინფორმაციით, თხილის საერთაშორისო საბჭოს მიერ  გადაწყვეტილია, რომ თხილის მსოფლიო კონგრესი 2021 წელს საქართველოში ჩატარდეს.

როგორც დღეს გამართულ პრესკონფერენციაზე დავითაშვილმა ჟურნალისტებს განუცხადა, თხილის მსოფლიო კონგრესის საქართველოში ჩატარება  ქართული თხილის რეპუტაციას კიდევ უფრო შეუწყობს ხელს და მსოფლიო ბაზრებზე დამკვიდრებაში დაეხმარება.

ამასთან, მინისტრის თქმით,  რამდენიმე წლის წინ თხილი თუ იყო ველური კულტურა და არ კულტივირდებოდა, ახლა იმდენად საინტერესო გახდა, რომ  მოსახლეობამ  დამატებითი პლანტაციების გაშენება დაიწყო.

დავითაშვილის თქმით, თხილი საექსპორტოდ უმნიშვნელოვანესი პროდუქტია.

„თხილი არის უმნიშვნელოვანესი საექსპორტო პროდუქტი. წლიდან წლამდე ჩვენ ვქმნით ქართული თხილის ინდუსტრიას. თუ თხილი იყო ველური კულტურა და არ კულტივირდებოდა რამდენიმე წლის წინ, ეს იმდენად  საინტერესო კულტურა გახდა, რომ დაიწყო დამატებითი პლანტაციების გაშენება. ის იძენს ისეთ სახეს როგორც სხვა აგროსასურსათო მიმართულებები. ღირებულებათა ჯაჭვში მნიშნელოვანია თხილის მიღება, გადამუშავება, გაშრობა, რა თქმა უნდა საბოლოო სახის მიცემა და საექსპორტო პროდუქციის  გამზადება და ექსპორტზე გატანა. საქართველო არის ერთ-ერთი იშვიათი ქვეყანა სადაც თხილის ინდუსტრია არის რეგლამენტირებული, რეგულირებადი დარგი. საქართველოში ჩვენ მივიღეთ თხილის რეგლამენტი და ბოლო პერიოდში შევიტანეთ მნიშვნელოვანი ცვლილებები, რომლის მიხედვითაც მომავალი წლიდან საქართველოდან თხილის ექსპორტით დაშვებული იქნება მხოლოდ იმ საწარმოების მიერ რომელსაც ექნება საერთაშორისო  სტანდარტი დანერგილი. ეს არის ძალიან მნიშვნელოვანი ცვლილება იმისთვის, რომ  საქართველოდან თხილი იყოს საიმედო, შესაბამისად ეს მოქმედებდეს ქართული თხილის რეპუტაცია“,-განაცხადა  დავითაშვილმა.

მინისტრის თქმით, ქართულ თხილში გარკვეულ შემთხვევებში შეიძება იყოს აქვატოქსინი, რაც ნებისმიერი კაკლოვანი კულტურისთვის ჩვეულებრივი პრაქტიკაა.

„ქართული თხილი ერთ-ერთი ყველაზე კარგი ხარისხიანი პროდუქტია და ის რომ ქართულ თხილში  გარკვეულ შემთხვევებში შეიძლება იყოს აქვატოქსინი ეს არის ნებისმიერი კაკლოვანი თხილოვანი კულტურის პროდუქტში ჩვეულებრივი პრაქტიკა. ქართული თხილის ევროკავშირიდან დაბრუნების 9 შემთხვევა არსებობდა მხოლოდ.  ცნობილია, რომ ჩვენ გვქონდა ძალიან მნიშვნელოვანი გამოწვევა ახალი მავნებლის სახით, ეს არის აზიური ფაროსანა, რომელიც არის პრობლემა ყველა ძირითადი თხილის მწარმოებელი ქვეყნისთვის. ეს არის მავნებელი, რომელსაც მარტივად ვერ უმკლავდება ვერცერთი მოწინავე ქვეყანა, 50 ჰექტარზე მეტი დამუშავდა ქიმიურად. კონტროლში მოექცა ეს მავნებელი. ამან მოგვცა ის საშუალება რომ ამ მავნებლის გავრცელება შეგვეჩერებინა“,- დასძინა ლევან დავითაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა