2017-07-14 22:43:54, 1007 ნახვა
რეგიონი
ბერშუეთში, საოკუპაციო ხაზთან მორიგი აქცია გაიმართა
სოფელ ბერშუეთში მდებარე საოკუპაციო ხაზთან მორიგი აქცია გაიმართა.
აქციის მონაწილეებმა რუსეთის მხრიდან საოკუპაციო ხაზზე ახალი ბანერების დამონტაჟება გააპროტესტეს და აღნიშნეს, რომ როგორც პოლიტიკური სპექტრის, ასევე სამოქალაქო საზოგადოების გააქტიურება მნიშვნელოვანია.
ამასთან, ადგილზე შეკრებილები თბილისში, აღმაშენებლის გამზირზე გამართულ “ქართველთა მარშს” გამოეხმაურნენ და განაცხადეს, რომ უმჯობესი იქნება საქართველოს მოქალაქეებმა გააპროტესტონ ის რეალური პრობლემები რაც ქვეყნის ტერიტორიულ მთლიანობას ეხება.
ცნობისთვის, სოფელ ბერშუეთთან, საოკურაციო ხაზის მიმდებარე ტერიტორიაზე აქცია დღეს დილითაც გაიმართა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
