2017-07-14 09:33:15, 2611 ნახვა
სამართალი
სასამართლო დღეს ოთარ აბესაძისთვის აღკვეთის ღონისძიების შეფარდებაზე იმსჯელებს
მთავარმა პროკურატურამ მერიის თანამშრომლის ოთარ აბესაძისთვის აღკვეთის ღონისძიების შეფარდების საკითხზე თბილისის საქალაქო სასამართლოს უკვე მიმართა.
ამის შესახებ „ექსპრესნიუსს“ მთავარი პროკურატურის საზოგადოებასთან ურთიერთობის სამსახურში განუცხადეს.
აღნიშნული საქმეზე პროცესი დღეს საქალაქო სასამართლოში 12:00 საათზეა ჩანიშნული.
ცნობისთვის, სახელმწიფო უსაფრთხოების სამსახურმა აბესაძე ქრთამის აღების ბრალდებით დააკავა.
გამოძიება ქრთამის აღების ფაქტზე , საქართველოს სსკ-ის 338-ე მუხლის პირველი ნაწილით გათვალისწინებული დანაშაულის ნიშნებით მიმდინარეობს, რაც სასჯელის სახით ექვსიდან ცხრა წლამდე თავისუფლების აღკვეთას ითვალისწინებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
