რუსეთის საგარეო საქმეთა სამინისტრო თბილისის მიერ ე.წ. სამხრეთ ოსეთის მიმართ სასაზღვრო ნიშნების გამო გამოთქმულ პრეტენზიებს აბსურდულს უწოდებს, - ამის შესახებ საგარეო უწყების განცხადებაშია აღნიშნული.

განცხადების თანახმად, აღნიშნული საკითხის ინციდენტების პრევენციისა და რეაგირების მექანიზმის ფარგლებში განხილვის შემთხვევაში გამოააშკარავებს, რომ თბილისის ყველა ბრალდება ყალბია.

გარდა ამისა, უწყებაში აღნიშნავენ, რომ „საქართველოს ხელისუფლების ბრალდება, რომ სამხრეთ ოსეთი სასაზღვრო ნიშნებს საქართველოს ტერიტორიის სიღრმეში ამონტაჟებს, არის ინფორმაციული პროვოკაცია“.

"თბილისის ეს განცხადებები, რუსეთის საგარეო საქმეთა მინისტრის მოადგილე გრიგორი კარასინისა და რუსეთთან ურთიერთობების საკითხებში საქართველოს პრემიერ მინისტრის სპეციალური წარმომადგენლის ზურაბ აბაშიძეს შორის 7 ივლისს პრაღაში დაგეგმილი შეხვედრის წინ ისმის. სამწუხაროა, რომ როგორც ხშირად ხდება, პრაღის შეხვედრის წინ უარყოფით ფონს ქმნის, საინფორმაციო პროვოკაცია. რაც შეეხება პრაღაში დაგეგმილ შეხვედრას, მის ფარგლებში გაგრძელდება პრაქტიკული საკითხების განხილვა, რაც აუცილებელია საქართველო-რუსეთის ურთიერთობების ნორმალიზებისათვის და კავშირების განვითარებისთვის ვაჭრობის, ტრანსპორტის და ჰუმანიტარული კონტაქტების სფეროში. მხარეები ასევე განიხილავენ ე.წ. საბაჟო ადამინისტრირების მექანიზმსა და რეგიონული ვაჭრობის მონიტორინგის შესახებ 2011 წელს გაფორმებული შეთანხმების რეალიზაციის შესაძლებლობეს. ამ კუთხით შვეიცარიის შუამავლობით უკვე შესრულებულია მოსამზადებელი სამუშაოები. არსებობს კონტრაქტების ხელმოწერაზე გადასვლის რეალური შესაძლებლობა, რაც საჭიროა შეთანხმების პრაქტიკული რეალიზაციისთვის. ვიმედოვნებთ, რომ თბილისი მიაწვდის რუსეთს, მოსკოვის მიერ დიდი ხნის წინ მოთხოვნილ განმარტებას საქართველოს ტერიტორიაზე ტვირთების საბაჟო გაფორმების შესახებ“, - ნათქვამია განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ComCom-მა ფორმულა ტერმინების გამო ამჯერად 5 000 ლარით დააჯარიმა

Euromoney-მ თიბისი კაპიტალი საქართველოში საუკეთესო საინვესტიციო ბანკად დაასახელა

განსაკუთრებული შეთავაზება თიბისი კონცეპტ Visa Signature სამოგზაურო ბარათის მფლობელებისთვის - მიიღეთ შანსი იმოგზაუროთ Disneyland-ში

სააკაშვილი წერს, რომ მურთაზ ზოდელავამ ციხეში ინსულტი გადაიტანა