ე.წ. ელიავას ბაზრობის მეორე სექტორის მფლობელის, ქეთევან ლოლაძის ინფორმაციით, მის სექტორში განთავსებული 32 მაღაზიიდან 12 დაიწვა.

როგორც ქეთევან ლოლაძემ აღნიშნა, შენობა დაზღვეულია და ზარალს სადაზღვევო კომპანია აანაზღაურებს.

„ძალიან განვიცდი. ჩვენ ერთი ოჯახივით ვართ. ეს ჩვენი ბიზნესი და შემოსავლის წყაროა“, - განაცხადა მფლობელმა.

ლოლაძის თქმით, მისი თხოვნაა,  სახელმწიფომ დაზარალებულებს დახმარება გაუწიოს.

შეგახსენებთ, ე.წ. ელიავას ბაზრობაზე ხანძარი გუშინ გაჩნდა. ხანძარი ავტონაწილების მაღაზიაში გაჩნდა და შემდეგ მიმდებარე ტერიტორიაზე გავრცელდა. ცეცხლის ჩაქრობას 150-მდე მეხანძრე-მაშველი სცდილობდა. აღნიშნულ ფაქტზე გამოძიება შსს-ს პოლიციის დეპარტამენტის დეტექტივების სამმართველომ სსკ-ს 187-ე მუხლით დაიწყო. ამ დროისთვის ხანძარი ლიკვიდირებულია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყაზახეთმა რუსეთიდან ელექტროენერგიის იმპორტის შეწყვეტის გადაწყვეტილება მიიღო

ევროპარლამენტის ანგარიშში ირაკლი ღარიბაშვილის გვარიც მოხვდა - რა წერია მასზე

თიბისი ტექსკლა - მოსწავლეებისთვის ხელოვნური ინტელექტის შესწავლის ახალი შესაძლებლობები

რუსთავი 2: ევროპული სახელმწიფოს სასარგებლოდ ჯაშუშობისთვის გიორგი უძილაური დააკავეს