სეს: სანელებლებში ტყვიის მაღალი შემცველობის შესახებ ინფორმაციას, არავითარი საერთო არ აქვს დღევანდელ რეალობასთან

2017-06-30 22:19:54, 2120 ნახვა

საზოგადოება

ქართული წარმოების სანელებლებში ტყვიის მაღალი შემცველობის შესახებ ინფორმაციას, არავითარი საერთო არ აქვს დღევანდელ რეალობასთან, - ამის შესახებ სურსათის ეროვნული სააგენტოს მიერ გავრცელებულ განცხადებაშია აღნიშნული.

აღნიშნული განცხადებით, სააგენტო მედიაში გავრცელებულ ინფორმაციას ეხმაურება.

„სურსათის ეროვნული სააგენტო სრული პასუხისმგებლობით აცხადებს, რომ ქართულ სუნელზე დღეს არანაირი შეზღუდვა არ მოქმედებს. სააგენტო მუდმივად აწარმოებს მონიტორინგს და ლაბორატორიულ კვლევას.

დღეს ქართულმა მედიასაშუალებებმა გაავრცელეს ნიუ იორკის ჯანდაცვის დეპარტამენტის განცხადება ქართული წარმოების სანელებლებში ტყვიის მაღალი შემცველობის შესახებ, რაც არის 2015 წლის ინფორმაცია და არავითარი საერთო არ აქვს დღევანდელ რეალობასთან.

სურსათის ეროვნული სააგენტო მოუწოდებს მედიასაშუალებებს, თავი შეიკავონ გადაუმოწმებელი ინფორმაციის გავრცელებისაგან და ნუ შეიყვანენ საზოგადოებას შეცდომაში“ - აცხადებენ სურსათის ეროვნულ სააგენტოში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან