აშშ-ის წარმომადგენელთა პალატაში საქართველოს მეგობართა ჯგუფის თავმჯდომარემ,  კონგრესმენმა ტედ პომ აშშ-სა და საქართველოს შორის დიპლომატიური ურთიერთობების 25 წლისთავთან დაკავშირებით  ამერიკის კონგრეში გამართულ ღონისძიებაში  მონაწილეობა მიიღო  და მოწვეულ სტუმრებს სიტყვით მიმართა.

 კონგრესმენმა საკუთარ გამოსვლაში საქართველო-ამერიკის სტრატეგიულ პარტნიორობაზე გაამახვილა ყურადღება.

კონგრესმენის განცხადებით,  „საქართველო ყველაზე ძლიერი დემოკრატიაა რეგიონში.

„ დემოკრატია, რომელიც  მიისწრაფვის დასავლეთისკენ და დამოუკიდებლობის დასაცავად რუს დათვს ებრძვის. დასავლეთში, ბევრმა არ იცის, რომ რუსეთი ყოველდღიურად აგრძელებს ოკუპირებული ტერიტორიების საზღვრების არაკანონიერ გაფართოვებას. აშშ-ის სურს ითანამშრომლოს საქართველოსთან და მას ძლიერ პარტნიორად ჩამოყალიბებაში დაეხმაროს."- განაცხადა კონგრესმენმა პომ.

მან საერთაშორისო სამშვიდობო მისიებში ქართველი სამხედროების დამსახურება განსაკუთრებით აღნიშნა.

„ საქართველო ერთადერთი ნატოს არაწევრი ქვეყანაა მსოფლიოში, რომელიც მნიშვნელოვნად არის  წარმოდგენილი  ავღანეთში. ქართველები ამერიკელების მხარდამხარ იბრძვიან და გვიჩვენებენ  თავდადებას. ამისთვის დიდი მადლობა მინდა გადავუხადო ქართველ ხალხს. ჩვენ გვსურს  გავაგრძელოთ თანამსრომლობა  საქართველოსთან და დავანახოთ მათდამი  ჩვენი  ერთგულება. არ დავუშვებთ საქართველოს დაკარგვას."- აღნიშნა ტედ პომ.

 საქართველოსა და ამერიკის შეერთებულ შტატებს შორის დიპლომატიური ურთიერთობის 25 წლისთავთან დაკავშირებით მიღება გაიმართა კონგრესის წარმომადგენელთა პალატაში, რომლის ინიციატორიც საქართველოს მეგობართა ჯგუფის თავმჯდომარე ტედ პო იყო.

ინფორმაციას საგარეო საქმეთა სამინისტრო ავრცელებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია

Amnesty International -მხოლოდ ეს ხუთი დაპატიმრება ნაკლებად ცვლის დაუსჯელობის უფრო ფართო სურათს საქართველოში

საფრანგეთში ჰანტავირუსით ინფიცირებულ პირებთან კონტაქტში მყოფი რვა ადამიანი კარანტინში მოათავსეს

ზელენსკის განკარგულებით, უკრაინის დარტყმის გეგმიდან მხოლოდ წითელ მოედანს გამორიცხავს