ამერიკის შეერთებული შტატების პრეზიდენტის დონალდ ტრამპის საარჩევნო შტაბის ყოფილმა ხელმძღვანელმა პოლ მანაფორტმა 2012-2013 წლებში უკრაინის ყოფილი პრეზიდენტის ვიქტორ იანუკოვიჩის პარტიისგან წინასაარჩევნო პროგრამის შედგენის სანაცვლოდ, 17 მილიონი დოლარი მიიღო, - ამის შესახებ Washington Post იუწყება.

მედია საშუალების ინფორმაციით, მანაფორტსა და იანუკოვიჩის პარტიას შორის არსებულ კავშირზე ინფორმაცია იმ დოკუმენტებიდან გახდა ცნობილი, რომელიც ანონიმურმა პირმა შეერთებული შტატების იუსტიციის სამინისტროში წარადგინა.

როგორც დოკუმენტშია ნათქვამი, 2011 წელს მანაფორტი საერთაშორისო აგენტად დარეგისტრირდა. შეერთებული შტატების კანონმდებლობით, როცა ამერიკის მოქალაქე სხვა ქვეყნის მთავრობას ნებისმიერ საკითხზე კონსულტაციას უწევს, ვალდებულია, საერთაშორისო აგენტად დარეგისტრირდეს.

მედიის ცნობით, მანაფორტი - დონალდ ტრამპის მეორე მრჩეველია, რომელიც საერთაშორისო აგენტად დარეგისტრირდა. მანამდე მიმდინარე წლის მარტში პრეზიდენტის მრჩეველმა უსაფრთხოების საკითხებში მაიკლ ფლინმა საკუთარი კომპანია საერთაშორისო აგენტად დაარეგისტრირა და თურქეთის ინტერესების დაცვაზე მუშოაბდა.

მანაფორტმა გადადგომის შესახებ გადაწყვეტილება 2016 წლის აგვისტოში მიიღო, მას შემდეგ რაც New York Times-მა მასზე სკანდალური ინფორმაცია გამოაქვეყნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა